九記打冷.小菜.粉麵 (Closed)

與友人飯局, 朋友介绍了這家菜館。 未去前先查看食評, 見乜都冇, 心裡已有點猶疑😒, 但朋友話佢平靚正, 而朋友又係主角就吓佢博一博! 朋友先叫個茶濕口, 向來好少飲泡到近乎透明嘅茶, 但見佢茶色色澤唔錯, 口又乾就飲吓, 完全出乎意料, 竟然用茶餐廳做檸茶嘅香濃茶胆奉客, 勁有Twining红茶味道, 個人勁like! 點菜時至知呢間菜館原來昰新開, 還在試業中, 難怪零食評!只等了一會, 點嘅菜都陸續上枱!鹽焗烏頭🐟朋友推介這烏頭, 並硬要不吃魚的我試, 試了輕輕一啖, 不腥、不鞋, 真的還ok噃!清炒韮菜🌸炒得非常香滑! 應該用了雞油爆炒才有此獨特香味! 菜只留幼嫩部份, 因此非常嫩口, 正!鹵水拼盤、鹵水、鹵水鵝豆腐軟滑, 鵝肉唔鞋, 正常水準!紫菜魚旦牛根丸魚旦彈牙, 冇腥味。 個人最欣賞黑椒牛根丸, 非常彈牙香口, 淸心丸綠豆爽最愛此糖水! 很多食店會做此糖水, 工序多,  還要即做。 淸心丸口感煙靭, 而且內裡軟熟, 加上香焾嘅綠豆, 糖水有種桂花香, 一個糖水三種味道, 非常掂!最初以為食物普通, 大部份菜式沒有影相, 真係有點後悔! 😫呢餐一行4人, 人均消費约一百