M3 Italian (Closed)

朋友生日要求食意大利菜，朋友介紹沙田M3 Italian，心諗沙田都有好食意大利菜？膽粗粗試下啦，去到一坐低就送上一籃麵包，配搭埋橄欖油黑醋，食落十分軟熟，估算應該係自家製，可惜冇影相，今次一行三人叫左個M3沙律，份量十足，煙三文魚，西班牙火腿，烤雞肉，於凱撒沙律之外另一好選擇。另外再叫左個雜錦拼盤，還可以，主菜就叫左芝士三文魚Pizza，新鮮熱辣，皮簿，芝士味濃郁，比起某連鎖餐廳好食好多倍，值得一試。另外主菜叫左卡邦尼意粉，墨魚汁墨魚意大利飯，汁醬香濃，飯既口感適中，再叫埋牛柳配鵝肝，準確既Midium，重牛肉味，不是一般貨色。最後叫左甜品朱古力心太軟，酒店水準，畫上完美句號。