聰嫂私房甜品

Open Now

Now Closed

聰嫂私房甜品開左旺角鬧市區，今日同朋友行街就食個甜品，順便休息下。呢間舖頭人頭湧湧都要排一陣先有得入去食。食物冇令我哋失望，好好食！我就揀咗個椰皇燉桃膠雙皮奶，朋友就揀左傳統芝麻糊。朋友個芝麻糊較快送上，食落非常濃香芝麻味，滑溜，質地較為稠身，唔會水旺旺，食完暖笠笠，正！坐對面嘅我都聞到好香芝麻味。佢下午茶時間仲係優惠價錢，抵食！於我個椰皇燉桃膠雙皮奶就不得了啦，即點即製作，原個椰皇加上雪白雙皮奶，非常吸引。雙皮奶燉得非常嫩滑，岩晒火候，仲要夾雜濃香嘅椰子味，好滋味。桃膠又有QQ咬口，呢個甜品真係非常好味！冬天食覺得特別滋潤。見佢對面都準備緊開分店真係有原因！