自由麵食 (Closed)

行完街街肚仔餓，荷包乾乾地，要慳住食。喺銅鑼灣要平平地食一餐，無八九十蚊都落唔到樓，呢間食店係其中一間可以用50蚊食得飽飽嘅。喺堅拿道天橋附近嘅小店，舖面細細都坐到二十多位，係舊式開放式廚房，有種特別嘅親切感。座位空間尚算寛敞，不算太迫。柯打左牛腩雲吞米，柱侯醬汁入唒牛腩裏面，又淋又夠味。雲呑大大隻，用四隻鮮蝦同鮮肉包成，又爽又鮮，皮薄餿靚。米粉軟硬度恰到好處，不錯。大大碗雙併都只係30大元。我一向奉行有營飲食，要左碟通菜，腐乳醬不會太多，大大碟只需$13。埋單只需$43，就有一餐平民級美食，只要識得搵，總會喺鬧市搵到食。