Video
Read full review
2016-03-13
2942 views
情人節食食食活動-第二站食完Lunch行返去小房子!店舖門口位其實唔明顯。門牌掛住晌樓梯旁，唔係特登行去搵唔會留意到。小房子分左兩個部分，1/F 係賣乾花手作製品~D飾物同手機殼好靚!!2/F 就係Cafe~附卡片一張~小房子開下午2點....但2點幾入到去已經坐左好多人。店內散發住陣陣嘅草木花香。我同男友被安排到一張好森林Feel的位置~XD因為旁邊有棵樹仔，樹葉延伸範圍覆蓋整張枱，好特別。室內光線都算充足。唔錯。Cafe內有個大書櫃，不過書櫃前卻有一枱客人。除左果枱客之外，我估應該唔會有人可以行去揀書吧。咁即係話「書櫃只是裝飾」嗎? (我只係覺得有點浪費同可惜。)Cafe嘅廚房係開放式，位於門口位置，一推開門就見到。廚房前同店內擺放咗好多花。真係好似一個花園。餐牌上嘅食物有機會唔同。因為之前睇其他食家介紹嘅綠茶芭菲今次黎唔見有。(我原本係為左佢而黎架....點知無得食!!T^T)最後揀咗櫻花水信玄餅同要等40分鐘嘅雪山多士。櫻花水信玄餅我想食呢個甜品好耐架啦!!之前有介紹尖沙咀一間甜品店有，但去到話賣晒唔再有....好傷心點知比我搵到小房子竟然有賣!好感動!終於食到啦~侍應好好，有
食完Lunch行返去小房子!
店舖門口位其實唔明顯。
門牌掛住晌樓梯旁，唔係特登行去搵唔會留意到。
小房子分左兩個部分，1/F 係賣乾花手作製品~D飾物同手機殼好靚!!
2/F 就係Cafe~
附卡片一張~
小房子開下午2點....但2點幾入到去已經坐左好多人。店內散發住陣陣嘅草木花香。
我同男友被安排到一張好森林Feel的位置~XD
因為旁邊有棵樹仔，樹葉延伸範圍覆蓋整張枱，好特別。
室內光線都算充足。唔錯。
Cafe內有個大書櫃，不過書櫃前卻有一枱客人。除左果枱客之外，我估應該唔會有人可以行去揀書吧。
咁即係話「書櫃只是裝飾」嗎? (我只係覺得有點浪費同可惜。)
Cafe嘅廚房係開放式，位於門口位置，一推開門就見到。
廚房前同店內擺放咗好多花。真係好似一個花園。
餐牌上嘅食物有機會唔同。因為之前睇其他食家介紹嘅綠茶芭菲今次黎唔見有。
(我原本係為左佢而黎架....點知無得食!!T^T)
最後揀咗櫻花水信玄餅同要等40分鐘嘅雪山多士。
櫻花水信玄餅
$48
96 views
0 likes
0 comments
我想食呢個甜品好耐架啦!!
之前有介紹尖沙咀一間甜品店有，但去到話賣晒唔再有....好傷心
點知比我搵到小房子竟然有賣!好感動!終於食到啦~
侍應好好，有介紹佢地嘅櫻花水信玄餅係用蘋果汁加白酒整成。
旁邊有黑糖，如果嫌味淡可以加埋一齊食。
賣相已經好吸引，透明清澈的半球狀果凍，中間包住一朵綻放中的鹽漬櫻花。好靚!
先試左唔加黑糖嘅水信玄餅，味道果然比較清淡，
有微酸嘅葡萄香~(我估應該係用左白酒同蘋果汁嘅關係~)
櫻花嘅香味唔算重。
跟住試一下加黑糖一齊食，味道好特別，提升左水信玄餅嘅香甜度。
不過我略嫌黑糖味道稍微覆蓋咗本身水信玄餅嘅清新味道。
大家下次上黎都可以試下呢個咁清新嘅甜品。
雪山多士
$68
85 views
0 likes
0 comments
終於等到個雪山多士啦!!
其實我無問到店員點解要等40分鐘，反正又唔趕時間，
影下相，傾下偈就過去啦~
多士用咗士多啤梨、水蜜桃、奇異果同紅酒梨子幾種水果，
加上忌廉雲同雲呢嗱雪糕再晌上面淋上黑糖(?)
口感豐富，味道清甜而不溜。紅酒梨子個味本人麻麻地~
多士烘得微脆，唔會太硬搞到好難切。Like!
整體都唔錯，好食嘅野係要等耐D。XD
最後同大家分享一下，店內養咗兩隻好得意嘅貓。一隻經常行黎行去。(看風景個樣好迷人~~~)
另一隻就成日唔知去左邊度訓覺!最後臨走時先晌第二枱客人嘅坐位度發現懶訓貓~
總結：
聊天消閒嘅好地方。
店內提供不同種類嘅輕食。
價錢尚算合理。
希望下次再黎食佢地嘅三文魚飯團同茶類。(見到實物好吸引~>w<)
Post
