坂奈 (Closed)

響銅鑼灣一條橫街原來有一間隱世既空運新鮮魚既日本料理店，看門口餐牌，以新鮮魚為賣點，有啲從未試過的如梭子魚和高部魚，全部都以燒烤為主,牆上掛了廚師推介的巧手菜。我同朋友在近門口位置，所有座位都是一排向住廚房的，見到多日本人都前來食，就知正宗日本菜。先叫碟小食酒煮文蛤蜆$58，清酒清甜，蜆肉夠彈牙，有好多隻，份量足夠，唔會過熟。經店員推介下,叫了兩味鮮魚，先來的前菜，有新鮮沙律菜，車厘茄，酸蘿蔔沙律，另外有一小碟前菜係新鮮魚生，有鮮甜的帶子，仲有原隻新鮮赤蝦，好有黏度，新鮮彈牙，仲有至愛既三文魚。旁邊還有一碗麵豉湯，以為是一般的麵豉湯，點知飲下鮮甜無比，原來用左好多海鮮漁獲泡製而成，非常清甜，材料有蜆仔，豆腐，海帶，唔會太咸，剛好。主菜梭子魚$178，份量大條，第一次品嘗呢味魚，驚喜魚肉味重，鮮甜，肉質較結實，唔會腥，旁邊可放白蘿蔔蓉在醬油中蘸來食，冇咁熱氣，又冇咁膩，好值得食。另一海魚叫了同樣是日本直送的喜之次，出名是深海紅寶石的喜之次，只不過是$248，抵食呀！肉質較散，但勝在好清甜，而且外皮及魚鰭香口卜卜脆。好似仲未飽，再叫多碟小食，唐揚酥炸墨魚鬚$38，煙韌彈牙，夠晒酥脆。鐘意飲