Video
Read full review
2019-12-04
2631 views
仲有不到一個月就係普天同慶的「聖誕節」。每年都是餐飲業的必爭日子之一，尤其是今年大氣候影響下，更加要各出奇謀，以質素及CP值來取勝。灣仔萬麗海景酒店的 Cafe Renaissance 自助餐是個人欣賞的頭幾位，當中有不少亮點值得大家去完再去，難怪就算是平日，都有8成座上客。由於快到聖誕，所以率先品嚐了聖誕期間特別菜色。清蒸活龍蝦估不到清蒸活龍蝦又再次出現，固然肉質飽滿，軟韌彈牙，入口鮮甜，與凍食是兩碼子的事，加上仲要係任食可以話無得輸。 北海道帶子他他 原隻 cut 成三片，質地柔軟，就算無須醬汁都好好味。講起聖誕節，無可能唔提一眾萌爆可愛既甜品。Chestnut Mont Blanc 栗子蓉細緻甜美。Chocolate Raspberry Mousse Cake 放上趣緻可愛雪人公仔做裝飾，質地滑溜，加入紅桑子，令味道不會太單調。Chocolate Yule Log 聖誕節無可能無樹頭蛋糕，木紋做得真係好似，而且口感好rich，個人幾鐘意。仲有White Chocolate Snowball、Cheese Cake、Pandan Cake、聖誕Tiramis
每年都是餐飲業的必爭日子之一，尤其是今年大氣候影響下，更加要各出奇謀，以質素及CP值來取勝。
灣仔萬麗海景酒店的 Cafe Renaissance 自助餐是個人欣賞的頭幾位，當中有不少亮點值得大家去完再去，難怪就算是平日，都有8成座上客。
由於快到聖誕，所以率先品嚐了聖誕期間特別菜色。
清蒸活龍蝦估不到清蒸活龍蝦又再次出現，固然肉質飽滿，軟韌彈牙，入口鮮甜，與凍食是兩碼子的事，加上仲要係任食可以話無得輸。
北海道帶子他他
原隻 cut 成三片，質地柔軟，就算無須醬汁都好好味。
講起聖誕節，無可能唔提一眾萌爆可愛既甜品。
Chestnut Mont Blanc栗子蓉細緻甜美。
Chocolate Raspberry Mousse Cake放上趣緻可愛雪人公仔做裝飾，質地滑溜，加入紅桑子，令味道不會太單調。
Chocolate Yule Log聖誕節無可能無樹頭蛋糕，木紋做得真係好似，而且口感好rich，個人幾鐘意。
仲有White Chocolate Snowball、Cheese Cake、Pandan Cake、聖誕Tiramisu 同埋 Mince Pie ，賣相都係充滿了聖誕氣氛。
聖誕期間，真係優惠多多，只要每位另加$200至$300左右，就可以享用矜貴既魚子醬50克與及有「巴黎之花」稱譽的Perrier-Jouët Grand Brut香檳一枝；將魚子醬塗在多士上，慢慢品嚐，再呷一口香檳，真是人間美味。
若然是食肉獸，又有四位在座，大可另選12吋長Stockyard 金牌黑安格斯斧頭肉眼牛扒來代替魚子醬。講真，肉眼牛排份量十足，的確要四個人先得，而且烤得啱啱好，medium rare的成熟度，肉質鬆軟又有嚼口，超正。
畢業係聖誕節，最好飲返杯傳統聖誕香料酒，濃郁的玉桂香味，伴隨酒香洋溢，呷一口，渾身暖洋洋的，說不出的享受。
不喜歡喝酒？沒問題，仲有濃稠達70%熱朱古力，舀一口雪糕，在朱古力漿中打個滾，外熱內冷夾雜，甜美芳香，又是另一種滋味。
生蠔有即開Pacific Oyster提供，尤其是邊位更覺爽甜，如果有另加錢點上PJ香檳的話，用來送生蠔，味道更鮮。
Seafood
焗龍蝦
聖誕期間是蒸龍蝦，但平日都是焗龍蝦，表面芝士烤得微焦，陣陣幽香，口感更覺豐腴。
仲有啖啖肉既龍蝦鉗、蟹膏比肉還要澎湃既大西洋麵包蟹、越食越想食既阿拉斯加蟹腳同埋肉質幼嫩既藍貝，海鮮陣容走一轉已經半飽。刺身及壽司
Cafe Renaissance 所提供的拖羅，除了偶爾有酒店即劏吞拿魚外，可以話冠絕Buffet界，色澤自然亮麗，油花平均而甘香，質地柔彈，比起不少日式餐廳完勝。
至於其他刺身有吞拿魚、三文魚、油甘魚、八爪魚及螺片，解凍處理得不錯，毫無雪味，推薦。
雜錦壽司種類幾多，有三文魚、吞拿魚、八爪魚、墨魚、螺片、熟蝦及鰻魚，仲有吞拿蟹肉壽司卷及芹茉泡菜壽司卷。
Carving Station
燒豬髀
超級大隻，但燒得毫不乾身，反而肉味濃郁，非常難得。
烤牛排中間位置是 medium rare，必食。
蜜汁烤火雞取了胸口及脾位各一片肉，肉質竟然不覺“嚡口”，又係火喉拿捏得準。
就連好幾款 Side Dish 都有水準尤其是蜜糖栗子，粉糯帶蜜味，至於烤南瓜、烤蘆筍及小椰菜，都各有捧場客。
熱葷
Slow Cook 三文魚
原先的鐵板燒位，家陣又有新攪作，放上了一個大魚缸，放入了預先抽真空的三文魚，上檯前再把兩面煎熟，但未免太保守，因為煎得過了火，平白浪費了slow cook的時間。
另外，仲有大大隻既炒海蝦、咖哩魚同埋海鮮炒飯。
麵檔
自己一向係澱粉質怪，每次食Buffet，當大家都停手時，都會忍不住來碗湯麵。
今次湯底是蔬菜湯及豬骨湯，配料有小棠菜、娃娃菜、韭菜花、金菇、豆卜、芽菜、秀珍菇、魚片、魚蛋、雞肉、蝦仁、牛丸及魚腐。
簡單的來碗油麵底，加點蝦仁、雞肉及韭菜花，清清地選擇了蔬菜湯底，不錯。湯
淮山杞子螺頭燉豬展
今次燉湯獲大家一致讚賞，湯色清澈而幽香，入口醇厚馥郁，火喉十足，但每盅的材料佔了三分之一，味道都跑到湯裡了。
至於其他兩款湯羹是Dried Shrimp Fish Curd Soup 及 Curried Pumpkin Soup。
芝士
有Brie、Gouda及Blue Cheese三款。
沙律及 Cold Cut超多選擇，有墨魚仔沙律、天多利雞沙律、韭菜沙律、茄子肉碎沙律、泡菜青瓜沙律、雞肉沙律、希臘沙律 、Couscous沙律、DIY沙律、紅菜頭三文魚、風乾牛肉、黑椒莎樂美腸及Coppa，味道有濃有淡、有素有肉，當中推介紅菜頭三文魚，肥美可口。
甜品
專櫃
每次都有新意，今次係充滿聖誕氛圍的Parfait Lollipop，而且係即場製造，每個都係獨家出品。
Häagen-Dazs一共有朱古力、士多啤梨、咖啡、曲奇、香蕉及Mango & Raspberry六款口味，獨立迷你杯裝，清潔衛生，仲可以食多幾杯。
當然有好受歡迎的朱古力噴泉，其他甜品都係小杯上，好啱心多既朋友。
而Vanilla Mousse Cake 及 Chocolate Brownie，都是小件上，好啱自己想食多兩款。
仲有 Vanilla Red Fruit Panna Cotta、Praline Trifle、70% 比利時朱古力mousse、Panettone Bread Pudding及紅棗糕，雖然賣相同味道突出，但胃納真的有限。講真，呢個 Buffet 認真豐富到一個點，所以想同另一半或者親人慶祝，真係要快手。
P.S : 節前夕及型誕節-12月24日及25日
午餐:
12 p.m. -2:30 p.m.
成人 HK$568 | 小童 (3-11 歲) HK$348
額外 HK$888*
包括果汁及汽水、派對禮品及聖誕老人將會驚喜現身。
*包括一枝香檳及 50 克魚子醬供兩位賓客享用
晚餐:
第一時段:5:30 p.m. - 7:45 p.m. |第二時段:8:30 p.m.-11n
成人 HK$738 | 小童 (3-11 歲) HK$438
成人 HK$938*
包括果汁及汽水、派對禮品及聖誕老人將會驚喜現身。
*額外包括金牌黑安格斯斧頭肉眼牛扒 (約兩公斤)或一枝
Perier-Jouët Grand Brut香檳供四位享用,及每位賓客 10 克魚
子醬( 最少四位起)
美酒優惠:加HK$138 即可暢飲精選生啤及紅白酒。
除タ-12月31日
自助晚餐:
6:30 p.m.- 10 p.m.
成人 HK$ 738 |小童 (3-11 歲) HK$438
成人 HK$ 938*
包括果汁及汽水、派對禮品及Mirage Bar & Restaurant 除タ
倒數派對入場。
*額外包括金牌黑安格斯斧頭肉眼牛扒 (約兩公斤) 或一枝
Perrier-Jouët Grand Brut香檳供四位賓客享用,及每位賓客 10
克魚子醬(最少四位起)
節日美酒優惠:加 HK$ 138 即可暢飲精選生啤及紅白酒。
Post
