魚眾不同酸菜魚 (啟德一號) (Closed)

昨日同朋友下午茶黎左E間店到食嘢，啟德近地盤位置嘅餐廳唔多，第一次食E間就鍾意左，首先因為魚類有唔同魚可以選擇，然之後湯底都有好多款，食得辣或者唔食得辣嘅人都有選擇，咁我自己就食左青椒酸菜湯個款同埋普通唔辣嘅酸菜魚，有麻椒個個湯底就麻嘅味道重啲，食落去麻多過辣，湯唔算好酸，所以我OK嘅，如果想要麻多啲嘅朋友就可以試下E個湯底，另外普通唔辣酸菜魚個個湯底就比較酸，唔食得酸嘅人應該會覺得好酸，咁主食方面有白飯/薯粉/米線可以選擇，全部都可以加多啲，啱晒大食嘅朋友啦！鱸魚同生魚就各有各好，鱸魚比較爽硬，而生魚就比較嫩滑，所以整體我係讚👍嘅，下次經過啟德都會再幫襯！