Video
Read full review
2021-07-04
728 views
今日同朋友食生日飯，咁我哋就book咗呢一間尖沙咀日式餐廳到食飯，咁其實入面啲裝修都幾OK同覺得有啲jp style，當然啦要試過先知道係咪堅，咁我哋叫咗以下食品。竹刺身盛: 有拖羅、三文魚、 油甘魚、 鯛魚甘蝦同赤貝。 咁其實自己最鍾意就係三文魚， 因為呢間啲三文魚我覺得幾新鮮而且冇根及好有肉地有咬口， 仲有鯛魚亦都好新鮮所以其實呢間嘢啲魚生係唔錯的。三文魚松葉蟹肉卷: 呢個卷其實我最鍾意嘅就係佢啲壽司米，雖然佢三文魚同蟹肉都幾新鮮同有鮮味，但係佢個醋米飯比較接近日本嘅壽司米，所以我覺得壽司飯係做得比其他嘢好， 大家可以試下呢一度壽司卷。烤鱈魚干: 呢個鱈魚干有啲似魷魚干，咁其實佢烤咗出嚟熱熱地，幾好食再加埋七味粉就辣辣地，呢個餐前小食我覺得真係ok的。咁跟住我哋叫咗啲串燒就有田樂燒豆腐、厚牛舌、鹿兒島黑豚五花腩、薩摩赤雞腿肉： 咁其實呢啲串燒我覺得大致上都ok，燒到恰到好處，但其實我自己就比較鍾意個豆腐，因為個豆腐就有少少似臭豆腐，面頭有啲甜醬喺度，另外有少少回想返以前食過嘅臭豆腐，雖然呢個豆腐絕對唔係臭的，味道我覺得係幾好食，只不過佢個煮法係ok嘅。什錦天婦羅湯烏冬： 呢個天婦羅
竹刺身盛: 有拖羅、三文魚、 油甘魚、 鯛魚甘蝦同赤貝。 咁其實自己最鍾意就係三文魚， 因為呢間啲三文魚我覺得幾新鮮而且冇根及好有肉地有咬口， 仲有鯛魚亦都好新鮮所以其實呢間嘢啲魚生係唔錯的。
三文魚松葉蟹肉卷: 呢個卷其實我最鍾意嘅就係佢啲壽司米，雖然佢三文魚同蟹肉都幾新鮮同有鮮味，但係佢個醋米飯比較接近日本嘅壽司米，所以我覺得壽司飯係做得比其他嘢好， 大家可以試下呢一度壽司卷。
烤鱈魚干: 呢個鱈魚干有啲似魷魚干，咁其實佢烤咗出嚟熱熱地，幾好食再加埋七味粉就辣辣地，呢個餐前小食我覺得真係ok的。
咁跟住我哋叫咗啲串燒就有田樂燒豆腐、厚牛舌、鹿兒島黑豚五花腩、薩摩赤雞腿肉： 咁其實呢啲串燒我覺得大致上都ok，燒到恰到好處，但其實我自己就比較鍾意個豆腐，因為個豆腐就有少少似臭豆腐，面頭有啲甜醬喺度，另外有少少回想返以前食過嘅臭豆腐，雖然呢個豆腐絕對唔係臭的，味道我覺得係幾好食，只不過佢個煮法係ok嘅。
什錦天婦羅湯烏冬： 呢個天婦羅烏冬我覺得個天婦羅個個都炸得幾好，尤其是係個蝦有鮮甜味，而且每一塊嘅天婦羅炸到唔係話有太多油，而且麵包糠同個食物嘅比例我諗有8/2嘅分例。 另外個烏冬極都唔錯，起碼都係彈牙嘅，有啲似手打烏冬，鍾意食天婦羅嘅朋友呢個可以一試。
煎沖繩豚肉餃子: 呢一個餃子我覺得個皮薄餡都算多，最重要嘅就係佢個餃子汁，而且味道亦都幾獨特， 有啲spicy，所以試餃子嘅朋友一定要點個粉。
最後如果經開尖沙咀嘅朋友，可以試下呢間日本餐廳，因為自己覺得呢間餐廳啲魚生其實都新鮮的， 其他炸物亦ok，所以可以一試。
Post
