德美壽司 (德民街)

Open Now

Now Closed

Lunch Time去幫襯，性價比都算高，物有所值。叫咗兩個Set，一個係北海道魚生飯，另一個係刺身加天婦羅的定食，兩個餐都跟昆布麵豉湯同埋茶蒸蛋。北海道魚生飯D魚生有3款，指定嘅，三文魚、帶子同白魚，我都唔知乜野係白魚不過見佢個Menu係咁寫。D魚生都真係幾新鮮，係D帶子比想像中薄，其他兩款都OK。呢個定食有刺身加天婦羅加煮物，叫做乜都有D咁啦，都好食。刺身就係三文魚加甜蝦加一款唔知乜野魚不過都新鮮好食，D刺身都算肥美。天婦羅比想像之中好食，有件蝦有件茄子有件南瓜，D天婦羅炸粉唔會好厚，幾好。煮物係豬軟骨，無雪味。仲有飯後甜品每人一粒雪米糍。