菖蒲亭 (Closed)

今晚兩個人來這裏食，叫了雜錦魚生飯定食、雞肉湯烏冬和日本甘薯拼南瓜天婦羅。雜錦魚生飯定食- 雜錦魚生真係想不到這樣豐富，內有甜蝦、帆立貝、油金魚、蟹籽、三文魚、八爪魚、玉子燒、秋刀魚；雖然每一樣的分量都很少，但味道都好新鮮，飯也是日本米，真係想不到這樣好，值得一試。小食(青芥辣魷魚) - 魷魚好新鮮，加上青芥辣，又真係幾特別，辣椒女就好喜歡。雞肉湯烏冬- 烏冬很滑，我覺得味道比稻庭烏冬差點，但都很好味；雞肉就比較上一般見了。日本甘薯拼南瓜天婦羅- 炸得好脆，加上真係日本的甘薯和南瓜，味道也是一流，如送酒相信會更加好。這裏的食物真係唔錯，但價錢都唔算平；本來都想過在這裏搞個聚會，但相信價錢都會幾貴，還是算了吧！