Video
Read full review
2012-04-01
535 views
好耐好耐都冇食燒鵝啦, 突然諗記, 一於坐言起行, 去 ! 因為好耐冇食, 都唔知邊間好食, 見 lee 間寫住 '正鋪 ', 就入去試試啦. 服務 唔算好好但又未算好差. 其實都冇咩 services 可言, 不過我哋見多數人於室外食嘅時候都會吸煙, 問服務員有冇非吸引煙區, 佢就安排我哋坐室內, 都算 ok la. 環境 比較舊, 有大排當風味 深井燒鵝半隻 鵝肉都幾嫩, 但冇咩鵝味. 鵝皮冇太多肥膏, 咬落有鵝油香. 椒鹽魚扣 唔一定有, 要睇吓是否沽清, 因為一碟魚扣已經用咗好多條魚 ga la. 好彩我哋 order 時仲有. 椒鹽惹味又夠鑊氣, 魚扣微辣又爽脆, 好好食 砵仔焗魚腸 用油炸鬼, 雞蛋, 少少唐芹同魚腸一齊焗. 面焗得好脆, 非常熱, 魚腸唔腥, 但略嫌魚腸唔夠多, 所以蛋同油炸鬼唔係吸收到好多魚腸味, 味道亦略淡. 百花蒸釀豆腐 即蝦膠蒸釀豆腐. 蝦膠幾彈牙, 豆腐估係用布包豆腐, 幾香豆味. 淋上豉油熟油蔥花, 清清哋, ok. 總結 燒鵝又未算非常差, 但小菜反而好食過燒鵝
因為好耐冇食, 都唔知邊間好食, 見 lee 間寫住 '正鋪 ', 就入去試試啦.
服務
唔算好好但又未算好差. 其實都冇咩 services 可言, 不過我哋見多數人於室外食嘅時候都會吸煙, 問服務員有冇非吸引煙區, 佢就安排我哋坐室內, 都算 ok la.
環境
比較舊, 有大排當風味
深井燒鵝半隻
鵝肉都幾嫩, 但冇咩鵝味. 鵝皮冇太多肥膏, 咬落有鵝油香.
椒鹽魚扣
唔一定有, 要睇吓是否沽清, 因為一碟魚扣已經用咗好多條魚 ga la. 好彩我哋 order 時仲有.
椒鹽惹味又夠鑊氣, 魚扣微辣又爽脆, 好好食
砵仔焗魚腸
用油炸鬼, 雞蛋, 少少唐芹同魚腸一齊焗. 面焗得好脆, 非常熱, 魚腸唔腥, 但略嫌魚腸唔夠多, 所以蛋同油炸鬼唔係吸收到好多魚腸味, 味道亦略淡.
百花蒸釀豆腐
即蝦膠蒸釀豆腐. 蝦膠幾彈牙, 豆腐估係用布包豆腐, 幾香豆味. 淋上豉油熟油蔥花, 清清哋, ok.
總結
燒鵝又未算非常差, 但小菜反而好食過燒鵝
Post
