三點三冰室

Open Now

Now Closed

啟德AIRSIDE有間港式茶餐廳，店內光猛，座位好多，地方闊落，裝潢設計新派又搶眼，以藍色木系為主調、食物方面主要提供炒粉飯麵、鐵板餐同特色料理，無小菜，價錢合理，值得一試～ 嚟到呢度必點二世祖西多，鮑魚放面都係第一次見，好鬼搞笑，傳統港式做法，加入蛋漿炸成，口感厚身，外脆內軟，唔油膩，中間有層輕薄嘅牛油餡，配上糖漿簡直係完美😋生炸雞脾唔算好大，外皮脆身，內裏嫩滑多汁，沙律幾開胃，下次可以試試薯條～ 星州炒米同乾炒牛河各有千秋，麵條軟硬同濕潤度適中，炒至入味，配菜口感豐富，整體性價比高！葡汁焗四蔬菜比較普通，醬汁惹味，蔬菜新鮮，建議加點白飯配住食～ 老火湯有驚喜，超甜，好好味，值得加點！最後唔少得呢度嘅飲品，特別推介狂牛，以雜果、七喜、利賓納、士多啤梨雪糕混合而成，打卡必備！