Video
Read full review
2018-10-08
1157 views
因為唔想係十月一日國慶同人逼餐死，所以約左另一半係二號先一齊食個飯。本身訂左枱但因為大家都早放所以早左到。亦因為咁店員安排左我地坐係窗口位！接近180度嘅維港夜景映入眼簾，心情同胃口都大大加分。比起坐吧枱睇師傅製作，今晚嘅安排更有情調。點左兩SET菊嘅廚師發板，慢慢嘆。前菜係汁煮花螺。雖然係凍食，但沒有半點泥腥味，醬煮過後嘅螺肉爽口入味，令人開胃。刺身拼盤：大拖羅／左口魚／ 石垣貝／銀鱈魚／深海池魚／鯖魚／秋刀魚／金目鯛店員先附上一塊岩鹽板，示意係用黎伴左口魚食的。因為左口魚本身味道偏淡，食時先放上鹽板之上再配以日本細蔥，捲埋一齊食可以同時得到岩鹽嘅咸甘味及蔥香。鯖魚及秋刀魚味道偏重，入口肉質微軟結實，可以伴上一點山葵沖淡一點魚味。但原味黎食可以品嚐到其特有嘅甘香。石垣貝脆度十足，咬落鮮甜，沾上少許醬油更突顥其甜味。深海池魚肉質爽彈，魚味啱啱好又帶點橘子香味，不愧係秋季嘅當造漁獲。銀鱈魚油分十足，必須加上山葵及柚子醋黎減低油膩感，但食落的確有驚喜。大拖羅油脂最均衡，鮮甜味濃所以經常都係我地嘅最愛。用紫蘇葉包住食更能提升滋味。金目鯛以川燙後再炙燒，令到魚香味道更出。肉身紮實有咬口。壽司六
亦因為咁店員安排左我地坐係窗口位！接近180度嘅維港夜景映入眼簾，心情同胃口都大大加分。比起坐吧枱睇師傅製作，今晚嘅安排更有情調。點左兩SET菊嘅廚師發板，慢慢嘆。
汁煮花螺
18 views
0 likes
0 comments
刺身8款
24 views
0 likes
0 comments
店員先附上一塊岩鹽板，示意係用黎伴左口魚食的。因為左口魚本身味道偏淡，食時先放上鹽板之上再配以日本細蔥，捲埋一齊食可以同時得到岩鹽嘅咸甘味及蔥香。
鯖魚及秋刀魚味道偏重，入口肉質微軟結實，可以伴上一點山葵沖淡一點魚味。但原味黎食可以品嚐到其特有嘅甘香。
石垣貝脆度十足，咬落鮮甜，沾上少許醬油更突顥其甜味。深海池魚肉質爽彈，魚味啱啱好又帶點橘子香味，不愧係秋季嘅當造漁獲。
銀鱈魚油分十足，必須加上山葵及柚子醋黎減低油膩感，但食落的確有驚喜。
大拖羅油脂最均衡，鮮甜味濃所以經常都係我地嘅最愛。用紫蘇葉包住食更能提升滋味。
金目鯛以川燙後再炙燒，令到魚香味道更出。肉身紮實有咬口。
壽司六款：三文魚子／海膽／鱆魟／笠貝／池魚
三文魚子腌漬得非常入味，入口夠黏口香滑。醬油味偏甘甜同壽司醋飯十分對味。
壽司6款
10 views
0 likes
0 comments
海膽幼滑鮮甜。包裹嘅紫菜夠乾脆，所以口感好正。鱆魟及池魚亦夠新鮮，沾上少少醬油就已經滋味十足。無需配上芥未提鮮。
笠貝爽脆甘甜，但本身味道偏淡最好就用上少少芥末醬油平衡返個味道。
左口魚邊壽司
12 views
0 likes
0 comments
吸物-石川芋
12 views
0 likes
0 comments
季節湯
8 views
0 likes
0 comments
季節湯係大蜆白麵豉湯。粒蜆成個碗咁大隻鮮味非常，麵豉湯清甜帶微微豆香，十足夠味。
水果
12 views
0 likes
0 comments
甜品
14 views
0 likes
0 comments
以維港靚景伴美食，真係生活中一大享受。而且店員又笑容可掬服務體貼，真係加分唔少。
Post
