Video
Read full review
2023-09-01
220 views
my first omakase lunch！鮨宏既omakase由親切嘅馮師傅主理，佢用心介紹菜式並與客人交流，料理亦充滿個人特色，由漬物到甜品皆充分展現到佢精湛嘅手藝，令人印象深刻。呢度中午只做一轉12-2pm，午／ 晚餐各自只有一個menu，絕對值得一試。♙ 福 fuku $880﹆漬物 自家製魚乾非常脆口，醃蘿蔔及類似雪菜既醃菜，爽口開胃。﹆前菜 𖦹 北海道象拔蚌又稱白松貝，爽口鮮甜，係夏季當造嘅品項。𖦹 油甘魚白身魚之一，配上薑、黃蘿蔔以及紫蘇葉，食落格外清新。𖦹 燒蠔選用當造嘅北海道蠔，先蒸至兩成熟，再加上白麵豉燒至五成熟，燒蠔入口creamy，海水味中帶白麵豉嘅甜味，非常特別。𖦹 櫻煮八爪魚餐廳嘅招牌菜！以粗鹽按摩八爪魚一個鐘，再用湯汁、酒、醬油、砂糖慢煮兩個鐘，充分展現八爪魚嘅鮮味，一啖食落口八爪魚軟腍到有如融化一般，連湯都可以飲埋。𖦹 磯煮鮑魚鮑魚肉質細嫩富嚼勁，用鮑魚肝醬煮壽司飯，將甜味、鮮味帶入飯中。𖦹 湯松茸魚頭湯加入昆布一齊燉，清甜潤喉。𖦹 茶碗蒸 非常滑嫩，蛋香突出。﹆壽司𖦹 梭子魚 - 輕輕燒一燒魚嘅表面，魚油豐腴。𖦹 沙甸魚 - 切成有如將軍盔甲嘅紋理，
♙ 福 fuku $880
﹆漬物
自家製魚乾非常脆口，醃蘿蔔及類似雪菜既醃菜，爽口開胃。
﹆前菜
𖦹 北海道象拔蚌
又稱白松貝，爽口鮮甜，係夏季當造嘅品項。
𖦹 油甘魚
白身魚之一，配上薑、黃蘿蔔以及紫蘇葉，食落格外清新。
𖦹 燒蠔
選用當造嘅北海道蠔，先蒸至兩成熟，再加上白麵豉燒至五成熟，燒蠔入口creamy，海水味中帶白麵豉嘅甜味，非常特別。
𖦹 櫻煮八爪魚
餐廳嘅招牌菜！以粗鹽按摩八爪魚一個鐘，再用湯汁、酒、醬油、砂糖慢煮兩個鐘，充分展現八爪魚嘅鮮味，一啖食落口八爪魚軟腍到有如融化一般，連湯都可以飲埋。
𖦹 磯煮鮑魚
鮑魚肉質細嫩富嚼勁，用鮑魚肝醬煮壽司飯，將甜味、鮮味帶入飯中。
𖦹 湯
松茸魚頭湯加入昆布一齊燉，清甜潤喉。
𖦹 茶碗蒸
非常滑嫩，蛋香突出。
﹆壽司
𖦹 梭子魚 - 輕輕燒一燒魚嘅表面，魚油豐腴。
𖦹 沙甸魚 - 切成有如將軍盔甲嘅紋理，別具心思。
𖦹 赤貝 - 作為江戶前壽司嘅經典食材之一，赤貝嘅柔軟嚼勁的確令人無法抗拒，加上酸柑汁更開胃。
𖦹 深海池魚 - 最喜歡嘅魚之一，食落魚味勁濃，鮮甜！
𖦹 活帶子 - 師傅將佢切成一朵花咁，肉質厚身，鮮甜！
𖦹 赤身 - 肉質較厚實，鮮甜至極。
𖦹 中拖 - 油脂分佈平均，魚油香突出。
𖦹 大拖羅 - 肥美之最！！油脂極豐富，入口即融。
𖦹 海膽 - 非常鮮甜，食完齒頰留香。
𖦹 玉子燒 - 口感似布丁，蛋香滿滿。
﹆一品料理
燒鰻魚 - 將魚先燒、蒸、再燒，將肉汁鎖喺魚肉入面。
﹆ 甜品
三款甜品都係自家制作，包括西瓜果凍（師傅拎出嚟嘅時候我仲諗點解嚿西瓜咁紅😂），造型超qq，另配富豆香既豆腐芝士蛋糕，以及人生食過最juicy的哈密瓜！！！
Post
