Video
Read full review
2023-02-28
151 views
又係見story 未出正式post已經有幾個朋友話要訂位，因為實在太抵太值得打卡，而好多朋友想訂位打電話打極都打唔通，唔怪之得咁受歡迎。講緊就係名店街嘅鮨政™ x 大湖清酒，真係新鮮滾熱辣，先旨聲明同之前有人話香港仔中環嘅鮨政唔同，一定要認清楚。位置銅鑼灣核心，一餐omakase有十五個項目，有熱食前菜刺身壽司湯甜品，你估下幾錢位？答案係$498一位，睇埋食乜你先明白點解咁吸引。茶碗蒸日本高糖蕃茄磯煮鮑魚甘鯛立鱗燒 日本北海道兵庫縣室津真蠔 大拖羅 北海道帆立貝真鯛壽司深海池魚壽司炙燒鰈魚裙邊 羽太壽司紫蘇文甲魷魚壽司赤貝壽司 穴子壽司飄雪紅酒鵝肝吞拿魚壽司三色杯湯物 飛雪鵝肝芝士豆腐當晚最愛一定係右口魚，真蠔同磯煮鮑魚，而飄雪紅酒鵝肝吞拿魚壽司就真係打卡又靚又好食，比當晚食到嘅拖羅部位更加出色，聽講呢度係signature，又點可以唔試。最正嘅係，如果你覺得呢個價錢貴，仲有幾個唔同嘅餐俾你揀，$398/$298/$198，豐儉由人，當然，我覺得最抵嘅一定係食$498，而家仲可以加錢wine pairing，又係唔貴，以擁有 350 年的歷史嘅大湖清酒由純米飲到大吟釀再飲到生原酒再到梅
又係見story 未出正式post已經有幾個朋友話要訂位，因為實在太抵太值得打卡，而好多朋友想訂位打電話打極都打唔通，唔怪之得咁受歡迎。
講緊就係名店街嘅鮨政™ x 大湖清酒，真係新鮮滾熱辣，先旨聲明同之前有人話香港仔中環嘅鮨政唔同，一定要認清楚。
位置銅鑼灣核心，一餐omakase有十五個項目，有熱食前菜刺身壽司湯甜品，你估下幾錢位？
答案係$498一位，睇埋食乜你先明白點解咁吸引。
茶碗蒸
日本高糖蕃茄
磯煮鮑魚
甘鯛立鱗燒
日本北海道兵庫縣室津真蠔
大拖羅
北海道帆立貝
真鯛壽司
深海池魚壽司
炙燒鰈魚裙邊
羽太壽司
紫蘇文甲魷魚壽司
赤貝壽司
穴子壽司
飄雪紅酒鵝肝吞拿魚壽司
三色杯
湯物
飛雪鵝肝芝士豆腐
當晚最愛一定係右口魚，真蠔同磯煮鮑魚，而飄雪紅酒鵝肝吞拿魚壽司就真係打卡又靚又好食，比當晚食到嘅拖羅部位更加出色，聽講呢度係signature，又點可以唔試。
最正嘅係，如果你覺得呢個價錢貴，仲有幾個唔同嘅餐俾你揀，$398/$298/$198，豐儉由人，當然，我覺得最抵嘅一定係食$498，而家仲可以加錢wine pairing，又係唔貴，以擁有 350 年的歷史嘅大湖清酒由純米飲到大吟釀再飲到生原酒再到梅酒應有盡有，愛酒嘅都唔可以錯過Pairing。
想食要留意時間，午市係12:00 – 15:00 ，第一時段12:00 – 13:30，第二時段就係13:30 – 15:00。晚市就18:00 開始，20:00 第二輪。記得訂位嘅時候諗清楚時間啦。個人覺得無論午市晚市都係第2段時間比較好，大家快啲訂啦。
Post
