豊洲水産海鮮丼専門店 (Closed)

今日行過見豊洲水產係油麻地開左分店，因為之前都不斷聽過呢間野，不過因為係灣仔所以無機會去試下，所以今日就決定去試下究竟係咪真係咁好食。睇佢門口擺哂花牌，原來今日係岩岩第一日試業。佢新推出左個飛天鮪魚丼，就試下啦。個麵豉湯應該加左Ｄ魚骨入去煲，有魚味。佢個丼飯都幾多料，有鮪魚蓉、鮪魚片、拖羅片、甜蝦及三文魚子，配料仲有紫菜、溫泉蛋、青瓜粒及醃蘿蔔粒等等。鮪魚蓉入面唔係真係蓉哂，佢仲有Ｄ粒粒係入面，同埋有小小柚子皮係上面。鮪魚片好新鮮，厚厚實實，收貨。拖羅片就ＯＫ，我覺得未算好好，中上而已。其實整體都幾好食，用料係幾好，最重要係夠新鮮，食呢Ｄ最緊要既當然係夠新鮮，唔係其他野幾好都無用。