辛鮮 (Closed)

難得早收工和親愛的同事們去打個邊爐,而呢間新開的店子似乎挺吸引。如果8點前結帳,火鍋底只是$1,煲底半價,都好抵WOR~我地5個人俾左兩個火鍋底,呢個係豬骨湯,都有好多豬骨係入面,足料的。野食是散叫,都有好多款同有特色。有兩個小食,花生就鹹左D,雞腎辣得惹味,相當醒神~新鮮墨魚,好晶瑩剔透,樣子漂亮,淥完食落口好爽口,而脆肉鯇十分新鮮,一D都唔腥。7寶丸,估唔到係每樣得一粒,唔可以全部都試下,份量唔抵食。肥牛拼盆,鮮艷的牛肉鋪得好整齊,而且肥脂勻稱,淥左十秒食得,好香的肉味。連唔太食牛的我都食左好幾塊加$1有碟菜心,都有半斤的份量,而且夠嫩綠。最重要的主角終於出場~~鮮炸紫菜響鈴,真係即叫即炸,完全無油溢味,卜卜脆到旁邊同事都聽到好清楚淡淡的紫菜香令個響鈴多左個層次,不停ENCORE都得!!炸魚皮都好脆口,就咁食已十分正。鮮炸響鈴都好好味,如果你不喜歡紫菜可以選擇這個雖然唔係任食,但辛鮮的食材都很新鮮,是值回票價的,而且湯底不重味精,適合一大班朋友來聚餐,而且店員服務不錯,會主動加湯。