海街丼 (北角匯二期)

Open Now

Now Closed

帶左狗狗去附近剪毛，係等嘅時候就最好搵間靚嘅餐廳邊食邊等。行經北角匯見到間主打日式丼飯餐廳，見佢有個大玻璃外望街景，而且坐位寬敞又舒適，所以就入去食個lunch嚟hea下啦！睇Menu除左有好多魚生飯選擇之外，熟食選擇都好吸引。大少叫左  鹿兒島A4黑毛和牛丼 ，和牛件都好大塊而且入口即溶，牛肉鮮嫩又夠濃味，而且和牛旁嘅炸牛蒡好香脆，整體上口感非常豐富。我就揀左特上吞拿魚蓉丼，滿滿嘅吞拿魚蓉已經令人眼前一亮，再加上新鮮三文魚籽、蟹籽同埋海膽一齊，完全係味覺同視覺嘅一大享受，當三者拌埋一齊食，口感真係太正啦！店員仲教我將特製嘅醋果凍溶入米飯之中，更加多帶出丼嘅鮮味。最後仲可以加入鯛魚湯同泡飯嘅小料，讓成茶漬飯形色品嚐，一丼兩食真係好滿足呀！