元祖沾麵專門店

Open Now

Now Closed

之前經過好多次元祖沾麵專門店都發現佢長期爆滿。網上搜尋過後知道佢推出o既沾麵頗受歡迎，於是就相約女友一齊排隊等食。入座後一見到海報上的沾麵好吸引就即刻點了一碗極上芝士蟹皇沾麵配龍蝦湯($138)，女友想試試原味o就點了一碗豚玉魚介沾麵($89)。極上芝士蟹皇沾麵真係好特別，佢配上果隻蟹蓋極多蟹膏，鮮甜味美，有好濃烈o既蟹味，飛魚子更係多到推滿了碟，至於熱滾滾的龍蝦湯亦好夠味，掛在沾麵上充份發揮了兩者的味道，整個配搭非常之配合。至於豚玉魚介沾麵的味道亦係非常之好，湯底掛上麵上無減魚介味之餘鹹度又岩岩好，除了叉燒外湯底內的肉粒都好軟好香又好食，感覺一點都不普通，令人再想食多碗。兩碗沾麵份量十足又好食夾埋都只係$227，真係好抵食。