偉偉川菜 (利發大廈)

Open Now

Now Closed

隱藏喺渣甸坊一間陳舊大廈裏面嘅小店。雖然外表令人猶豫，但見到裏面食客全部都係講國語，感覺幾地道喎。午餐$68至$88起就有唔同嘅酸菜魚、水煮魚等等嘅選擇。今次就試一試「鮮椒魚」。湯底：攪拌一下湯底，好香嘅花椒味道，鋪滿大量蔥同埋青椒，賣相吸引。一開始食，因為叫咗小辣，所以覺得係可接受嘅程度，唔會太辣。湯底係清湯加花椒麻嘅味道，都唔係好分到青椒同花椒嘅味。但係食咗一陣，就越食越麻，成個嘴都麻晒！魚肉鮮嫩，份量頗多。都會有一兩條骨，但係唔影響。整體嚟講，鮮椒魚係偏清湯加花椒麻嘅味道，層次我就覺得唔夠酸菜魚咁豐富，不過都不失係一個新鮮口味嘅選擇。下次我都會再試吓其他菜式。