麻辣派對 (金百利廣場) (Closed)

多數啲人都係食水煮，酸菜魚，見好少人推介鮮椒味型，今次我地就試下佢啦！鮮椒味型江團魚 $188很大盆的魚呀，賣相好吸引，見到已經流曬口水。點了BB辣，剛剛好，可以刺激下味蕾又唔會蓋過食物嘅味道，辣得嚟又帶點麻痺感，很過癮🥰魚肉份量都多，三個人都夠食，魚肉大大片，白雪雪又冇骨，肉質好滑溜，大淡食好滋味。派對口水雞$68個汁好惹味，醒胃，又唔會太辣，剛剛好。超多花生，好脆，皮脆肉嫩，推介。川香豬軟骨水晶粉$58大大碗，水晶粉煙韌索湯，豬軟骨都有數件，煮得好淋入味。最後以一個小小杯嘅桂花啫喱作結，味道清新又唔太甜，👍🏼