奏海鮮火鍋 (Closed)

今日放工同就嚟離開公司嘅鄭總食Wellfare飯,話晒同高層食飯梗係揀間有名氣好食嘅奏海鮮火鍋。我哋一上到奏海鮮火鍋店已經有員工招呼我哋，裝修細緻環境舒服。一坐低店員就細心解釋熱門受歡迎嘅湯底同親手擺低餐牌俾我哋慢慢揀。調味料我最欣賞佢哋個XO醬同沙茶醬，真係回味無窮嘅。我地食住小食青瓜，同好特別嘅即食響鈴。店員好細心佢哋講自家響鈴好特別即刻點泰式酸辣醬就可以食架啦。店員仲好細心問需唔需要幫手整熟啲食物俾我地食，我都未試過食火鍋有人錄埋俾我哋食。湯底入面係有一隻好大好大嘅蟹仲有好多滑豆腐蘿蔔芫荽帶有清清香味嘅黑胡椒味,大鉗好多肉架湯底就非常清香鮮甜，我真係飲咗碗湯先開始食。我哋order 咗健康好飲嘅洛神花茶，大大支冰冰涼涼本地肥牛新鮮嫩口好趙口，佢哋手做嘅食物真係好好食，尤其是黑松露帶子餃打邊爐已經好香一口放入去啲松露汁必出嚟汁多好味，仲有佢哋嘅手打鮮蝦丸用大大隻鮮蝦皮薄蝦大隻。飯後甜品新鮮果盆同糯米糍到不得了，睇得出新鮮果盆用心巧手,糯米糍芋香一試難忘。