壺城風味

Open Now

Now Closed

今日出開太子買花， 經過見到一間食螺螄粉嘅小店，就心思思就走入去食。同靚仔店長傾偈，原來螺螄粉並不是意粉，指既係用石螺餚四五個鐘頭煲出嚟嘅螺湯米線。小店雖小，但乾淨企理，坐得都舒服。靚仔店長推介我食舖頭嘅招牌炸蛋豆乾螺螄粉，話啲炸蛋索晒啲湯會好好味，個麵一上枱見到份量都好足👍🏻即刻飲下店舖大推既螺湯， 果真鮮味十足， 飲到螺味好甜，真係真材實料！ 睇得出店家好用心去製作😋配上脆脆又索晒汁既炸蛋同豆乾真係一改我對螺螄粉嘅觀感。原來螺螄粉可以咁好食，食完之後以後唔會再買包裝即食嘅螺螄粉！另外點咗個小酥肉小食，炸得鬆脆惹味，配埋王老吉，食到捧住個肚走❤️