Video
Read full review
2024-09-06
913 views
呢間素食餐廳源自元朗錦田，而家終於開分店啦，今次選址東區鯉景灣. 茹素嘅朋友又多個好選擇. 餐廳環境以純白加木系為主，感覺簡約優雅，落地大玻璃提升空間感，戶外座位都好chill. 食物主打無添加自家製好健康. 餐廳採用手機自助落單，食物選擇幾多，餐牌仲好貼心標示蛋奶素元素滿足不同素食程度需要. 晚餐有十多個選擇，價錢都係一百多元. 每個套餐都有前菜、湯同麵包. 麵包都係自己整㗎真係一絲不苟. 清酒串串茄同紫薯淮山丸子桂花汁好有特色，清新開胃. 成個套餐用日式定食上桌呈現幾精美. ⭐️Tiramisu Latte飲得嘅甜品，滿足感十足. 面層有鋪滿cream同咖啡粉嘅手指餅做裝飾，沾上咖啡夠多元化. 真係好似食緊Tiramisu咁. ⭐️抹茶鮮奶有深度嘅抹茶係來自宇治嘅丸久小山園人氣抹茶老舖，茶味香濃，配合滑滑嘅鮮奶，就成為美滿嘅伴餐飲品. ⭐️素窩蛋免治牛肉飯熱辣辣香噴噴，仿真度極高嘅素肉餅神還原真牛肉嘅口感，淋上枸杞豉油甜甜地又有益. 意大利飯做煲仔飯幾特別喎，食落煲邊仲有飯焦㗎. ⭐️VMC素牛肉漢堡配法式薯條餐廳招牌用上店名命名. 麵包鬆軟，餡料豐富. 蕃茄、生菜、菠蘿加埋蜜糖芥末醬汁好
晚餐有十多個選擇，價錢都係一百多元. 每個套餐都有前菜、湯同麵包. 麵包都係自己整㗎真係一絲不苟. 清酒串串茄同紫薯淮山丸子桂花汁好有特色，清新開胃. 成個套餐用日式定食上桌呈現幾精美.
⭐️Tiramisu Latte
飲得嘅甜品，滿足感十足. 面層有鋪滿cream同咖啡粉嘅手指餅做裝飾，沾上咖啡夠多元化. 真係好似食緊Tiramisu咁.
⭐️抹茶鮮奶
有深度嘅抹茶係來自宇治嘅丸久小山園人氣抹茶老舖，茶味香濃，配合滑滑嘅鮮奶，就成為美滿嘅伴餐飲品.
⭐️素窩蛋免治牛肉飯
熱辣辣香噴噴，仿真度極高嘅素肉餅神還原真牛肉嘅口感，淋上枸杞豉油甜甜地又有益. 意大利飯做煲仔飯幾特別喎，食落煲邊仲有飯焦㗎.
⭐️VMC素牛肉漢堡配法式薯條
餐廳招牌用上店名命名. 麵包鬆軟，餡料豐富. 蕃茄、生菜、菠蘿加埋蜜糖芥末醬汁好清新，素牛肉漢堡好有咬口. 薯條炸得香脆唔油. 仲有大大支蕃茄任唧.
⭐️比利時朱古力批
芝士朱古力慕絲好濃郁，個Brownie餅底好有質感，表面鋪滿厚厚忌廉，有士多啤梨同藍莓點綴好清新.
整體食物高質環境舒服，食完成餐都覺得好健康輕盈，得閒食素人都開心啲. 呢度仲咁多選擇仲未試，絕對要再回頭啦. 不過呢有機會真係要去吓佢哋嘅元朗純白玻璃屋分店試，好有特色㗎.
Post
