Video
Read full review
2018-06-25
7120 views
我最討厭自助餐、任飲任食、放題架，不過朋友要請，大家高興聚聚無所謂啦。只需 $260 蚊烤肉放題？平到如此地步，得唔得架？已有心理準備，一試無妨。既然任食當然全部都試下啦 ﹗可怕的牛脊肉、五花腩、帆立貝、魷魚鬚、多春魚，算了吧！最好食係限量三文魚腩刺生、墨魚刺生，而蝦刺生及北寄貝麻麻。比較好一點。其他牛舌、牛胸腹、雞柳、豬頸肉、海蝦、墨魚仔還可以。Order 紙種類繁多，花多眼亂，樣樣都想試啖呢，而且有部份要再加錢，都幾難計。我地主打都係牛牛牛，每人兩碟先啦。Max 韓啤，果味偏甜，酒味薄弱，真係可以當果汁飲。我飲左幾罐啤酒，再兩碟安格斯已經飽頂到上心口，竟然您個肥仔一個人鯨吞 6 碟，您想食到人家執笠咩，哈哈﹗好快 black list 您唔比您幫襯架喇。和風煮牛舌，即係汁煮牛舌，暖都唔暖下，室溫牛舌腍劈劈，豉油味濃無羶味。蘿蔔，無渣爽爽超入味，滷油味特濃。泡菜，勁甜不酸不辣，怪怪的。胡麻豆腐，豆味香濃，但硬硬鞋鞋唔夠滑喎。味附螺肉，發到半透明無味爽爽聲，淨食辣汁過口癮加囉。刺生併盤，全餐最好都係您幾位喇。三文魚腩刺生特級鮮甜，肥美滑溜，加錢都要食啦。墨魚刺生，黏黏嚥韌新鮮的保證，
既然任食當然全部都試下啦 ﹗可怕的牛脊肉、五花腩、帆立貝、魷魚鬚、多春魚，算了吧！最好食係限量三文魚腩刺生、墨魚刺生，而蝦刺生及北寄貝麻麻。比較好一點。其他牛舌、牛胸腹、雞柳、豬頸肉、海蝦、墨魚仔還可以。
Order 紙種類繁多，花多眼亂，樣樣都想試啖呢，而且有部份要再加錢，都幾難計。我地主打都係牛牛牛，每人兩碟先啦。
Max 韓啤，果味偏甜，酒味薄弱，真係可以當果汁飲。我飲左幾罐啤酒，再兩碟安格斯已經飽頂到上心口，竟然您個肥仔一個人鯨吞 6 碟，您想食到人家執笠咩，哈哈﹗好快 black list 您唔比您幫襯架喇。
和風煮牛舌，即係汁煮牛舌，暖都唔暖下，室溫牛舌腍劈劈，豉油味濃無羶味。蘿蔔，無渣爽爽超入味，滷油味特濃。泡菜，勁甜不酸不辣，怪怪的。胡麻豆腐，豆味香濃，但硬硬鞋鞋唔夠滑喎。味附螺肉，發到半透明無味爽爽聲，淨食辣汁過口癮加囉。
刺生併盤，全餐最好都係您幾位喇。三文魚腩刺生特級鮮甜，肥美滑溜，加錢都要食啦。墨魚刺生，黏黏嚥韌新鮮的保證，好味道。冰鮮蝦十足雪藏泰式淡水蝦，質地味道麻麻。北寄貝腍劈劈，淡茂茂。
安格斯牛肋肉，雖然牛味淡，微弱得出奇，油脂削又不平均，跟肉眼或西冷差別甚廣。但係幾款安格斯之中最好食，肥美有趙頭，不乏肉汁，沾上烤肉醬有味得多。
安格斯牛肋肉壼漬，質地肉汁跟無醃牛肋肉一模一樣，味道多左份醬油甜味，沒怎麼特別驚喜。而且覺得剛剛浸，醬油只在最外層，不是什麼漬啦。
安格斯一口牛，試幾粒後，根本就係牛肋肉切粒，多此一舉。烤肉放題主力食安格斯便可，無需傷腦筋。極上牛肋肉，比起安格斯牛肋肉更淡更硬，一試無妨。
牛胸腹壼漬，依款好野呀，全場最好食 ﹗軟腍的質地，牛肉味濃帶肉汁。真係有漬過，醬油能讓肉質軟化，更加嫰滑。
牛脊肉，勁瘦勁鞋又淡口，給點牙力食吧。牛舌蠻不錯，爽爽的不會腍劈劈，羶香不腥。極上一口牛，成口唔係筋就係肥膏，不吃也罷。
五花肉、手羽先即雞中翼，完全無味都唔知食緊咩。雞腿肉，肥美彈牙醃味濃，好好味喎。辛辣五花肉、辛辣雞腿肉，洒上少量紅椒粉就當係，暈。
大魷魚頭，即係魷魚鬚，無味似水魷，爽脆嚥韌。車海老，大蝦爽甜好食。帆立貝，雪味重到不得了，只食到水味。牛油鮮菌，難食。菠蘿，完全無味無甜味又無酸味，清水味。
Max 韓啤
76 views
0 likes
0 comments
和風煮牛舌
42 views
0 likes
0 comments
三文魚腩刺生、墨魚刺生
47 views
0 likes
0 comments
安格斯牛肋肉壼漬
44 views
0 likes
0 comments
安格斯牛肋肉
49 views
0 likes
0 comments
安格斯一口牛
29 views
0 likes
0 comments
極上牛肋肉
29 views
0 likes
0 comments
牛胸腹壼漬
25 views
0 likes
0 comments
牛脊肉
24 views
0 likes
0 comments
五花肉
22 views
0 likes
0 comments
安格斯牛肋肉壼漬
33 views
0 likes
0 comments
五花肉
28 views
0 likes
0 comments
大魷魚頭
31 views
0 likes
0 comments
牛油鮮菌
32 views
0 likes
0 comments
Post
