快樂 (Closed)

以前喺灣仔住，經常會去光顧位於謝斐道嗰間「快樂茶餐廳」，尤其喜愛店裡嘅炸髀飯，價錢經濟又實惠，絕對是灣仔上班族嘅不二之選。不過自從搬家後，已很久沒到訪，其後更聽說餐廳已結業。早前去海光街附近搵食，發現「快樂」原來已經重整旗鼓，喺海堤街開咗間新舖，所以即刻 bookmark 咗， 趁今日有空檔，專登過嚟幫襯。原來店鋪頗為狹小，以外賣為主，沒有堂食座位，不過門口亦有少量地方可供客人即場食用。生炸雞髀係「快樂」嘅招牌作，一場嚟到，當然唔可以錯過，一人一隻唔洗爭，另外仲點咗個吉列魚柳雞扒香腸飯。睇下兩隻雞髀炸得幾靚仔，色澤金黃，夠晒油潤，而且 Size 好巨形，接近手掌大，拿上手時仲見到外皮有小量油泡，重而燙手，既吸睛又邪惡。雞皮脆口又唔油膩，肉味好濃郁，肉多而極厚，咬下啖啖肉，肉汁亦很豐富。午餐跟一碗老火湯，是日靚湯為眉豆花生雞腳湯，睇下幾足料，雞腳煲得好腍，湯水味道亦很清甜，飲得出無落味精，而且一碗嘅份量都幾多，夠晒兩個人分享。飯有幾種汁料可供選擇：洋蔥汁、咖喱汁、黑椒汁、粟米汁和豉油汁。洋蔥汁味道香甜，且濃稠適中。吉列魚柳外皮十分酥脆，皮夠薄，唔會食到滿口粉漿，誠意可加！雞扒水準亦不俗，