越南語角

Open Now

Now Closed

🍴 火車頭（生牛肉 牛腩片 牛丸 牛栢葉) $72 (8/10)份量勁多，每樣有兩舊，個粉好多好足料！個湯好清香，唔油膩，鹹鹹哋！有青檸辣椒洋蔥香菜，轉咗檬粉，好幼好滑，似好幼嘅米線，好食。牛肉片浸到9成熟，大塊但浸耐咗有少少靱，牛腩比較瘦有牛味，牛丸正常有牛味，牛栢葉爽口。🍴 西貢扎肉蒸粉包 $20 (7.5/10)個皮好似腸粉皮，有厚度帶少少口感，上面有塊札肉，入面係肉粒紅蘿蔔雲耳，幾香幾好食。🍴 紅河炸蝦餅 $28 (7/10)正常，微微彈牙但冇蝦味。🍴三色冰 +$8 (9/10)有紅豆綠豆綠色粉條，紅豆綠豆好腍，粉條似爽口嘅啫喱，椰汁好香甜甜哋，幾好飲，可以加錢叫！推薦指數: 8/10午市價錢唔貴，唔加小食都可以，都係會叫椰汁冰。