坐忘

Open Now

Now Closed

呢間舖頭好出名慢煮豬軟骨，應該好多人介紹同埋都比好多好評，中午食飯時間都超級多人排隊，12點9去到都要等半個鐘，想食記得早啲排隊！🍴 豬軟骨野菜咖喱飯 $72 (8/10)嘢食好快就上枱，賣相都幾靚，有好多菜，兩大塊豬軟骨，同埋咖喱汁。豬軟骨真係炆到好淋，肉唔使點咬就已經散開左，一啲都唔會鞋口，連軟骨都係超淋，好似食緊牛筋咁，滿滿嘅骨膠原，幾香口，食到有豬肉嘅香味，真心係幾好食！咖喱係屬於比較甜嘅日式咖喱，一啲都唔辣，比較稀身啲，似湯個稠度。個飯都係用珍珠米，用咗紅蘿蔔去煮，濕度硬度都啱啱好，椰菜嘅話就有紅蘿蔔，白蘿蔔，西蘭花，椰菜花，豆，翠玉瓜，真係好鍾意佢有咁多菜，非常健康同埋啲蔬菜都爽口嘅！整體來講每一樣嘢都好高質幾好食，不過女仔食完啱啱好，男仔可能唔夠食🤣🍴熱烏龍茶 跟餐送 (7/10)暖暖哋，啱啱好飲得，烏龍茶味都幾香濃，OK嘅！推薦指數: 8/10呢間咖喱豬軟骨真係幾好食，不過食之前見到咁多人推介對佢有太高嘅期望，食落係高質但未去到超級驚喜，但都幾好食嘅，但就唔需要特登嚟鰂魚涌食咁誇張。