Flames (海灣街)

Open Now

Now Closed

今日天氣不錯，有點涼意，就同朋友去鰂魚涌嗰邊放狗狗，咁啱嗰邊有一個寵物公園，適合狗狗場玩嘅好地方。經過Flames鰂魚涌分店，正好有啲肚餓，決定坐低食午餐。星期日到訪，客人唔算太多，反而適合慢慢食。<墨西哥粟米片> $88一坐低先點返個墨西哥粟米片作小食。粟米片分量十足，多到係兩個人都食唔曬。墨西哥粟米片調味有少少似肉醬意粉，脆卜卜，好似薯片咁又薄又脆。<燒南瓜沙律菜及芝士沙律> $88沙律菜新鮮爽脆。有數多塊小南瓜、車厘茄、水牛芝士，相信呢個份量一般女仔來講已經好足夠，輕食之選。<雞肉卡邦尼意粉> $88卡邦尼醬汁濃郁幼滑，配上和蘑菇，雞肉份量都幾多，白汁適中唔會太膩，意粉軟硬度適中，彈牙得黎唔會太淋。<炭燒葡式香辣蝴蝶雞> $128炭燒雞係主打嘅料理，蝴蝶喺指將雞隻中間切開成蝴蝶形狀，雞隻醃得入味，外皮香脆，不過肉質略嫌有點乾身，粗身的炸薯條香脆可口，配上特製peri peri醬惹味抵食。<Fruit Punch> $58中午就冇特別帶酒精類飲品，fruit punch酒精濃度偏低，甜甜地啱曬我地。