Video
Read full review
2024-07-16
129 views
同朋友好耐冇見，聽朋友推介一間位於尖沙咀好正既日本鰻魚料理小店，咁啱我哋都超鍾意食鰻魚，於是我哋就嚟試吓😋一入餐廳，很有日本小店嘅感覺，侍應殷勤有禮，為我們推介菜式，我們選擇了兩款餐廳嘅招牌鰻魚定食沙羅鰻蛇丼：估唔到size咁大，第一次食咁大條嘅鰻魚，長度有我朋友既前臂咁長😆鰻魚肥美，而且鮮嫩多汁，蒲燒汁好香，外層仲燒到有少少焦香，而且好在完全冇骨，鰻魚下面仲有一大舊厚燒玉子，玉子甜甜地又軟滑，用嚟送鰻魚飯勁正👍🏻生燒鰻魚丼飯（白燒）套餐：侍應哥哥建議我哋可以試吓呢個生燒鰻魚，鰻魚由生燒到熟，而且不加醬汁燒，原汁原味，果然冇介紹錯，鰻魚嘅外皮燒到好脆，裏面嘅鰻魚肉鮮甜有肉汁，充滿油香，用嚟送飯一流👍🏻套餐還包括有前菜、湯、溫泉蛋，前菜有日式醃菜茄子，味道唔錯，幾開胃，湯是鰻魚肝白貝湯，湯超級鮮甜，好足料，溫泉蛋質素都唔錯👍🏻本身侍應哥哥推介可以剩返三份一嘅飯，加入昆布高湯、紫菜、芝麻整茶漬飯，可惜今次太飽冇辦法試，下次約多啲朋友一齊試吓👍🏻
同朋友好耐冇見，聽朋友推介一間位於尖沙咀好正既日本鰻魚料理小店，咁啱我哋都超鍾意食鰻魚，於是我哋就嚟試吓😋
一入餐廳，很有日本小店嘅感覺，侍應殷勤有禮，為我們推介菜式，我們選擇了兩款餐廳嘅招牌鰻魚定食
沙羅鰻蛇丼：
估唔到size咁大，第一次食咁大條嘅鰻魚，長度有我朋友既前臂咁長😆鰻魚肥美，而且鮮嫩多汁，蒲燒汁好香，外層仲燒到有少少焦香，而且好在完全冇骨，鰻魚下面仲有一大舊厚燒玉子，玉子甜甜地又軟滑，用嚟送鰻魚飯勁正👍🏻
生燒鰻魚丼飯（白燒）套餐：
侍應哥哥建議我哋可以試吓呢個生燒鰻魚，鰻魚由生燒到熟，而且不加醬汁燒，原汁原味，果然冇介紹錯，鰻魚嘅外皮燒到好脆，裏面嘅鰻魚肉鮮甜有肉汁，充滿油香，用嚟送飯一流👍🏻套餐還包括有前菜、湯、溫泉蛋，前菜有日式醃菜茄子，味道唔錯，幾開胃，湯是鰻魚肝白貝湯，湯超級鮮甜，好足料，溫泉蛋質素都唔錯👍🏻本身侍應哥哥推介可以剩返三份一嘅飯，加入昆布高湯、紫菜、芝麻整茶漬飯，可惜今次太飽冇辦法試，下次約多啲朋友一齊試吓👍🏻
Post
