Coedo Taproom (Fashion Walk) (Closed)

近期武漢肺炎肆虐，個個人都home office，冇人出街食飯，周圍餐廳都出現空位，見今日早放，就約friend去銅鑼灣食飯，振興經濟。Coedo Taproom係知名日本啤酒品牌，啱晒我呢個酒鬼。老闆好好人，俾我哋試飲唔同款嘅啤酒，先再落order。我揀咗West to East 呢款生啤，酒味道比一般啤酒強濃厚，會容易醉。前菜先來小香菇同西蘭花配芝麻醬，本身我都唔係太好西蘭花，但芝麻醬煮出那個香味撲鼻而來，令到西蘭花好易入口。之後再來免治雞肉軟骨棒配羅勒醬同牛油果配意大利軟芝士。雞肉串煮得香口，水準穩定。牛油果同入邊個芝士係完美配搭，感覺好柔軟creamy。呢個燒日本年糕，出邊嗰層紫菜脆卜卜，包住個彈口嘅日本年糕，係口感極致享受。最後呢個係鰻魚梳乎厘飯，係呢間鋪頭嘅招牌菜。梳乎厘嘅甜味，同鰻魚飯嘅鹹味出奇咁夾。呢個飯仲要陪個醬汁食，我執聞落去好似腥腥地，但撈落啲煩到，就提升左成碗飯嘅鮮味。呢個飯係必選，下次嚟一定要再試。