究極堂 (蜆殼街)

Open Now

Now Closed

北角蜆殼街晚上人流唔多，但有間食日本菜，就上比較多人。今晚我約咗朋友去食，睇下你係咪咁正。有個梅酒menu，來杯先（易入口、微甜、好香、飲完感覺順口）。小食有蟹膏豆腐鱈魚乾，估唔到豆腐同蟹膏會咁夾，墊底有鱈魚乾，脆口夠味，呢個小食可以再encore👍🏻。醬燒三文魚炸蝦卷都唔錯，加了醬燒係幾好。究極丼上場😋可以話係豐盛，好新鮮，而且大部份魚生都係厚切，仲有隻蛋黃比你撈飯，食落口感豐富、有層次感，真係好好食。再來有炸串海苔墨魚他他，又幾彈牙，幾好咬口，少少脆，又有紫菜👍🏻另外還有日本雞柳配牛油果蓉，這個食法幾特別，但又真係幾好食😂。甜品有Frozen士多啤梨🍓配煉奶。效果幾好😋。非常滿足，而且價錢大眾化😊可以成日黎食都唔怕👍🏻。