陳儀興尚潮樓 (英皇道)

Open Now

Now Closed

個日同朋友去左喺鰂魚涌英皇道嘅陳儀興尚潮樓，係一間以潮州菜為主打嘅餐廳，上到去成個氛圍俾人一種溫馨嘅家庭感覺。呢度嘅菜色多元豐富，抵食又高質。我地叫左個例牌鵝片$188，每一片鵝肉都鮮嫩多汁，入口即化，鵝皮油脂豐富。鵝腸$168，滷汁滷得好入味，口感好Q彈。荔芋香酥鵝$168，外酥內軟，荔芋嘅香甜同鵝肉嘅鮮美完美融合。潮式胡椒鹹菜浸台山蠔$268，蠔肉鮮嫩，搭配潮州特有嘅胡椒鹹菜，味道獨特，台山蠔粒粒都漲卜卜，我既至愛。肚肉苦瓜煲$128，煲湯濃郁，肚肉入口即化，苦瓜嘅清香中和咗肚肉嘅油膩，美味可口。欖菜肉碎炒飯$118，炒飯香氣四溢，欖菜同肉碎嘅搭配，令人胃口大開。除咗美味嘅菜品，陳儀興尚潮樓嘅環境亦係一大亮點。餐廳裝修簡約大方，溫馨舒適。侍應姐姐熱情周到，笑容滿面，總括嚟講，陳儀興尚潮樓唔單止提供美味嘅潮州菜餚，仲營造出舒適溫馨嘅用餐環境。