烏蠅館 (九龍中心大廈) (Under Renovation)

麻、辣、鮮、香是四川菜的飲食特色, 天氣涼涼地, 食吓香辣烤魚就好合適, 辣辣地食完暖笠笠。烏蠅館位於尖沙咀亞士厘道, 主打三峽烤魚。招牌香辣烤魚-海鱸魚 小辣嘅辣度適中, 原爐烤魚香氣四溢, 醬汁好香濃, 鱸魚肉鮮甜幼滑, 肉質結實肥美, 魚骨不算多, 份量好足, 可以細味品嚐, 雲耳吸收醬汁精神, 幼滑可口。四川酥魷脆漿酥香, 魷魚爽脆, 趁熱食就更香口。四川傳統酥肉肉質酥香, 結實有嚼口, 調味充滿香氣和麻辣感。川式蓮藕豬肉紅油水餃和川式芫茜蠔仔紅油水餃饀料口感獨特, 紅油麻辣惹味。香芋地瓜丸酥香軟糯爆醬紅糖糍粑香滑甜蜜加上紅豆芋圓仙草和 桂花豆花涼粉, 爽口涼快。