Video
Read full review
2023-07-13
27 views
📍鮨燐 🔍尖沙咀中間道15號H ZentreUG樓1號舖-----好耐之前食過呢間餐廳上環分店，印象唔錯，朋友話想試下佢地尖沙咀分店，所以就撒錢陪吃貨，過黎一嘗究竟。裝修上大同小異，同樣有一面綠色魚鱗裝飾牆，空間比上環店更大一些，可以容納更多客人。Dinner有三個唔同Set，💰價錢分別係$1380、$1680、$1880。是次揀選最貴嘅$1880，有前菜3款、7種刺身、2和食、6種壽司、湯同甜品。.3款前菜包括係白麵豉汁凍蕃茄、汁煮螺及新鮮枝豆。蕃茄清新開胃，枝豆爽脆，而汁煮螺則香甜彈牙。.打頭陣嘅刺身係鮫鰈魚。係右口魚嘅一種，師傅將魚邊燒完在卷於中央，入口細膩爽滑；北海道紫針海膽無馬糞海膽咁濃，但甘甜Creamy；活赤貝爽口鮮甜；九州太刀魚肉質比較有咬口，師傅簡單用柚子胡椒調味，已令鮮甜味更富層次；北海道鱈魚肉質柔嫩，配搭麵豉醋、紫蘇花，食落酸酸甜甜，帶點紫蘇香氣；時令花咲蟹拆曬肉，食起黎非常方便，帶淡淡海水味，肉質好Juicy；拖羅油脂豐腴，以竹炭碎代替醬油，鹹鮮鹹鮮的，加上紫蘇葉中和油膩，更添清新感；燒大拖羅以日本長蔥輕輕提味，食落脂香滿嘴，高質。熱食為炸櫻花蝦餅，材料有櫻花蝦
🔍尖沙咀中間道15號H ZentreUG樓1號舖
-----
好耐之前食過呢間餐廳上環分店，印象唔錯，朋友話想試下佢地尖沙咀分店，所以就撒錢陪吃貨，過黎一嘗究竟。裝修上大同小異，同樣有一面綠色魚鱗裝飾牆，空間比上環店更大一些，可以容納更多客人。
Dinner有三個唔同Set，💰價錢分別係$1380、$1680、$1880。是次揀選最貴嘅$1880，有前菜3款、7種刺身、2和食、6種壽司、湯同甜品。
.
3款前菜包括係白麵豉汁凍蕃茄、汁煮螺及新鮮枝豆。蕃茄清新開胃，枝豆爽脆，而汁煮螺則香甜彈牙。
.
打頭陣嘅刺身係鮫鰈魚。係右口魚嘅一種，師傅將魚邊燒完在卷於中央，入口細膩爽滑；北海道紫針海膽無馬糞海膽咁濃，但甘甜Creamy；活赤貝爽口鮮甜；九州太刀魚肉質比較有咬口，師傅簡單用柚子胡椒調味，已令鮮甜味更富層次；北海道鱈魚肉質柔嫩，配搭麵豉醋、紫蘇花，食落酸酸甜甜，帶點紫蘇香氣；時令花咲蟹拆曬肉，食起黎非常方便，帶淡淡海水味，肉質好Juicy；拖羅油脂豐腴，以竹炭碎代替醬油，鹹鮮鹹鮮的，加上紫蘇葉中和油膩，更添清新感；燒大拖羅以日本長蔥輕輕提味，食落脂香滿嘴，高質。
熱食為炸櫻花蝦餅，材料有櫻花蝦、番薯、南瓜、舞茸菇等等，輕點岩鹽🧂，食落香酥中不乏濕潤。而另一道熱食就係汁煮蘿蔔金目調，清甜清甜的，個人更愛邪惡嘅前者。
🍣壽司方面，有深海池魚、赤身、石貝、九州車海老、黑龍魚和北海道馬糞海膽等等。當中最為驚艷的就係鮮甜度爆棚的北海道馬糞海膽壽司及壽司飯裏面撈了蟹膏的九州車海老。
最後嘅甜品係抹茶鮮奶凍，口感滑溜非常，奶味濃郁，加上抹茶微苦，入口甜度適中🍵。
Post
