鳴虎 (東港城)

Open Now

Now Closed

呢間拉麵店喺東港城一田入面，堂食座位喺舖頭外圍，位置唔算多，要先喺收銀落單俾錢，之後再喺側邊拎。有拉麵、丼飯同小食提供。🌟博多黑蒜油拉麵 $88拉麵用咗濃郁既博多黑蒜油調味，湯底較濃郁蒜味重但唔油膩，有兩大塊叉燒、半熟蛋、蔥絲、木耳絲同紫菜。香燒叉燒半肥瘦，拉麵軟硬適中，份量唔算太多。🌟蒲燒鰻魚丼 $68餐廳有六款日式丼飯，性價比幾高。每個飯嘅份量都好多，除咗鰻魚之外，仲有椰菜。鰻魚灑上大量嘅芝麻，再淋上鰻魚汁。鰻魚都幾滑。🌟札幌香蔥豚肉丼 $58呢款豚肉丼既豚肉切得比較細粒，但份量好多，成碗都鋪滿晒豚肉同椰菜。豚肉幾入味，有肥有瘦唔會覺得好鞋。