十三姨 (白加士街)

Open Now

Now Closed

提提大家，跟朋友約去食十三姨的話，要記得講清楚邊間分店，因為友人正好睇google map去錯了旺角店，但其實我卻人在佐敦店。不打緊，兩間分店應該都同樣水準吧，今次是為了老闆娘鵝肝煎蛋撈飯而來，果然沒有令我失望，三塊鵝肝大大件，氣味好香，連煎蛋撈起一齊食超creamy好味，仲有少少辣的XO醬，成碗飯好惹味香口，但友人就覺得唔加辣會好點，因為辣味搶了鵝肝味道，真的每人口味各不同。另外一碗招牌「十三飛」，湯底味道唔算太濃，不過材料有肉味濃郁的安格斯牛肩胛、軟腍入味的牛肋條和半隻糖心蛋，都算不錯。400次岩鹽咖啡好特別，好厚身的綿密奶泡，岩鹽就按自己喜好的口味添加，值得飲一飲。