十三姨 (白加士街)

Open Now

Now Closed

如果你係鵝肝愛好者一定要試佢嘅老闆娘鵝肝煎蛋撈飯😍😍今次係第二次嚟幫襯， 叫咗個老闆娘鵝肝煎蛋撈飯+xo 醬鵝肝腸粉。因為近排開始減肥計劃，所以盡量想減小飯量，而十三姨就岩曬我啦，佢嘅飯底可以加HKD20 轉椰菜花飯。一坐低餐廳會送上蝦片作為餐前小食，味道一般，但作為一個免費無加收任何費用嘅小食，都算有誠意。鵝肝煎蛋撈飯上枱啦，有大概三塊厚鵝肝，煎蛋同一堆炸乾蔥蒜等等，食前記得配埋枱上嘅特制豉油，正🤤🤤如果唔係想減小內心罪惡感，絕對會選擇返正常白飯，始終白飯吸收油香/豉油香係比椰菜花飯出色🫢鵝肝腸粉亦做得幾好，腸粉內大概有5大粒大大嘅鵝肝，大量黃紅椒洋蔥等，非常之香，而肝嘅油香配係本身唔濃味（腸粉表面有小小xo 醬香味）嘅腸粉都幾夾。

喺十三姨食野係正嘅！雖然餐廳人多，但我哋運氣好，安排咗坐喺門口位，唔使跟人迫，感覺舒適。店員非常友善，仲細心介紹每一道菜，讓我哋有種親切感。我哋試咗鵝肝飯，鵝肝超級肥美，口感滑溜，每一口都充滿香氣，配搭嘅米飯都煮得剛好，軟硬適中，真係一試成主顧，令人食過返尋味。呢道菜實在係必點之選！另外，石鍋拉麵亦都唔可以錯過。湯底味道濃郁，香氣四溢，拉麵彈牙，搭配新鮮嘅配料，整體味道好豐富。石鍋嘅熱度亦令每一口都保持溫暖，十分惹味。將來必定會嚟試埋其他菜式！

行過佐敦， 想食個lunch， 但係最出名嘅澳牛今日冇開， 附近有唔少嘅遊客餐廳， 見到有間13姨， 之前經過成日排隊， 但係今日就冇乜人， 見到餐牌啲套餐都幾吸引 ， 就入去試試。 一入去店員態度好親切， 好有禮貌， 隨即就送咗一碗蝦片。 午市套餐好抵， 包嘢飲， 而且食物款式都好多， 每款都好想試。 佢哋嘅招牌菜有好多， 有鵝肝飯， 雞油飯等。。。。。 想食清清地， 就揀咗個13么。 很快就嚟咗杯嘢飲， 係熱飲烏龍茶， 飲落好fresh。 過咗一陣個麵就嚟咗， 十三么嘅配料有好多，有雞胸肉、溏心蛋雞絲同菜， 份量好多。 配埋佢側邊嘅辣椒醬， 好惹味。 喺店內坐得好舒服， 慢慢嘆呢個米粉， 享受一個美味嘅午餐。

每次想食鵝肝飯一定係去十三姨仲配XO仲要有得揀椰菜花扮飯今次仲嗌咗個南乳雞翼-~又有啲驚喜喎！！！啱啱新鮮滾熱辣整出嚟皮脆肉嫩！超香口同惹味配埋鵝肝飯食真係超級好食如果可以加無糖飲品就最好了！

去完永安shopping ，想係附近食晚飯，男朋友話想試下十三姨，就一於去試試之前食過尖沙咀店，地方相對地比較闊落，佐敦店地方相對地比較狹窄，不過服務態度都幾好我哋揀咗老闆娘鵝肝煎蛋撈飯，見到帶子蟹粉豆腐撈飯都好似幾吸引，所以就揀埋呢一個老闆娘鵝肝煎蛋撈飯，今次嘅鵝肝好大塊，大滿足，配埋豉油和XO醬，好惹味🥰帶子蟹粉豆腐撈飯，蟹味都幾濃，比起深圳食嘅蟹粉，蟹味更濃郁，豆腐好滑，撈飯一流👍下次嚟食嘅話，要試試蟹粉撈飯或者撈麵😋😋

「十三姨」係一間新派港式餐廳🇭🇰菜式有唔同地方菜系嘅影子❤️‍🔥日式嘅雞叉雞 溏心蛋 拉麵湯底上海嘅陽春麵台灣嘅醬油膏印尼蝦片做前茶菜東南亞風味嘅辣椒醬🌶️西式嘅鵝肝料理融合曬香港人鍾意食嘅菜系所以食落有好多熟悉嘅風味😙😙💦「大三元」灸燒手撕雞伴雞油飯+灸燒雞叉燒+溏心蛋用大三元三隻字縮短呢串咁長嘅名😂😂手撕雞同溏心蛋都係清淡路線 無咩調味 餐廳推薦嘅食法係再係面頭淋上撈飯豉油🔥撈飯豉油係半透明嘅甜豉油我覺得加咗豉油碗飯都係欠缺一個靈魂味道差少少🤌🏻🤌🏻🤌🏻「十三么」其實係「大三元」嘅麵version!廚房會用鐵鍋熱辣辣上菜 熱氣騰騰🔥🔥雖然係同一堆配料 但係麵有湯底加持 更加好食🍜除咗同樣有灸燒手撕雞+灸燒雞叉燒+溏心蛋仲有芽菜同腸粉🙀🙀湯底飲落非常C服 係好清澈濃厚嘅雞湯店家建議可以加檸檬擠汁 再加湯麵嘅醬油口感好豐富 配搭新穎仲正係呢碗嘢仲要好味得嚟唔肥！💯Keep fit Gym友都得😆既然講到咁好 點解我話唔會做回頭客呢因為啲位實在太逼 仲逼對面澳牛檯面逼到連餐具都擺唔到（本身想食澳牛 係想坐好啲先搵其他餐廳🤣」佐敦鋪頭逼得嚟仲要無咩冷氣🥵🥵🥵熱過係泰國街邊無冷氣食嘢🇹🇭🙏🏼🙏

呢間坐落係旺角通菜街嘅十三姨有樣野好出名，就係佢個老闆娘鵝肝煎蛋撈飯，所以我哋一坐低嘅時候就叫咗佢呢個招牌，同埋另外一個13飛，佢入面有安格斯牛肩胛、牛肋條、糖心蛋，我哋仲轉咗做翠玉瓜麵當我哋叫完之後，好快就會會有一兜蝦片上咗枱，好少有餐廳會用呢一個作為一個餐前小食，當我哋食到一半嘅時候我哋叫嘅嘢都好快上咗枱，當我望住我嘅鵝肝煎蛋撈飯，佢入面雖然冇肉，但係配埋佢個XO醬，成碗飯都好香好油，鵝肝嘅油脂喺個口嗰度噴發，而且比嘅鵝肝亦都唔細，可以配合埋其他啲小食一齊食，咁就唔會太過油膩

話說有晚睇完squash open都有啲夜(It’s has been a long time ago…😅)唯有行返過佐敦覓食見到十三姨依稀記得都幾岀名一入座就有兜蝦片脆卜卜，好好食🫢🖤大三元 $78炙燒手撕雞拌雞油飯+炙燒雞叉燒+溏心蛋個飯有好多炸蒜，所以都幾香雞叉燒個名幾特別，好似平時食拉麵叉燒甘溏心蛋係無醃製過？好淡口，而且煮過龍，唔夠溏心🖤金牌牛肋條湯銀針粉 $68牛肋條？牛腩？😂肥膏比較多，有啲油膩🥲其他日日常常🖤麻辣土豆絲 $12涼拌$12係幾抵可能之前見好多人排隊，又話好好食所以有過高expectation🙈唔駛排隊既話，係可以一試味道唔差，價錢都算合理但要排好耐既就不了🫣

哈哈哈，好可爱的老板娘蟹粉捞面 可太是上海标志了，🦀金光灿灿的蟹粉看着就让人食欲大增，淋上香醋让它变得更加美妙，浓郁鲜香的蟹黄伴着蟹肉融进了每粒米饭🍚，在唇齿间留下无限的油香爆浆芝士年糕 还蛮特别的，糯叽叽的年糕瞬间爆破，混合着花生和芝士，吃起来咸中带甜甜中带奶，味道很丰富，但是稍微有点腻💦🔥店里生意很好，味道都还不错，但容易吃的有点腻

十三姨 (白加士街) 📍佐敦聽過佢嘅大名好多次同埋排對面遊客店嘅時候，成日會留意到呢間餐廳近年都比較少去呢頭，但係咁啱今個月有需要去行一轉搞掉私人嘢之後朋友就介紹我食呢間餐廳🤔終於第一次搭入去果然好多遊客慕名而來但係餐廳環境清潔度有待改善個地下跣到溜冰咁但係食物都真係平靚正尤其係個西多雞翼😂鹹鹹甜甜10分惹味粉面類竟然有瀨粉選擇雞絲粉清清地又幾好食入邊仲醒多兩條豬腸粉俾你🤣唔介意舖頭迫少少可以一試#weird佐敦 #hkfood #香港美食

尋晚同bf係佐敦食飯諗住試下新嘢嗰間（十三姨）結果嬲到我要走人唔食本身我地一入去就坐低門口四人枱佢問我地要唔要轉入面枱話入面枱冷氣凍好多跟住我地就入去諗住坐跟住佢同我地講入面嘅枱一陣人多要搭枱坐話出面唔夠冷氣張枱就唔洗搭枱咁我地就坐番出面出面張枱熱到未叫嘢食我已經唔開胃bf問我揀咩食我話食唔落啦bf話算啦我話食唔落攞袋走去第二度食佐敦大把嘢食咩叫夠冷氣嘅枱就要搭枱唔夠冷氣嘅枱就唔洗搭枱我聽完谷住度氣完全食唔落嬲到未叫嘢食就要起身走

之前已經睇過幾次想嚟試吓，呢個星期日終於去食咗啦，本身一心想食佢鵝肝飯，但係見到餐牌有鵝肝腸粉，而且又話「湯麵是王牌，湯底是主角」咁就試咗佢個湯粉絲同埋腸粉、跟住再加咗個小食薯仔絲同埋野飲首先送咗個蝦片、我後尾攞嚟夾住啲冷盤薯仔一齊食。到個湯麵來到，湯底真係好清爽，飲完之後唔會口渴，加埋入邊嘅菜都幾多，嗰日35度，我哋去食都覺得冇負擔。另外鵝肝腸粉其實即係XO醬炒腸粉加鵝肝，不過佢有啲鵝油喺度，食落去就真係好香好惹味啦，我講係切咗粒嘅我數下都唔少，都有10幾粒啦，價錢都係幾十蚊，我覺得都可以一試。

隱藏係佐敦嘅一間新派港式餐廳到食，裝修幾中式，環境都算乾淨企理👍🏻順帶一提，餐廳服務幾好同有禮貌，值得一讚💪🏻，每枱都有嘅蝦片都好食老闆娘鵝肝煎蛋撈飯😋 (HK$148)用一碗有3大塊左匈牙利鵝肝，煎得岩岩好勁香，外面微焦入面軟滑🫶🏻，自加制XO醬好正，小辣帶咸魚咸香味，重口味人士一定鐘意，再加埋炸紅葱頭同太陽蛋，撈埋一齊食好滿足🤩

十三姨的招牌老闆娘鵝肝煎蛋撈飯，鋪在飯面的肥美鵝肝和流心太陽蛋，與微辣的XO醬、乾蔥和秘製醬油拌勻，油香四溢的鵝肝融合辛香調味，讓人回味無窮。此外，店舖亦有多款創新湯麵，「嚦咕嚦咕」湯底濃郁甘甜，裡面有玫瑰雞鎚、雞叉燒及溏心蛋，麵底除了有傳統的米粉、粉絲、銀針粉之外，還提供少見的翠玉瓜麵，口感爽脆，吸附湯汁後更加美味。Nestled in the bustling heart of west kowloon, Lady 13 Kitchen is famous for its Lady Boss Foie Gras on Rice, featuring pan-fried foie gras with its rich oiliness complemented by the yolk of a sunny-side-up. Another must-try is their lineup of innovative noodle soups, such as Champion Chicken Soup. For those seeking a healthier noodle opt

同朋友傾完偈之後夜咗去食飯，去到佐敦睇吓有啲咩食，本來想去對面食麥文記，但係見到呢間餐廳幾得意，同埋俾佢嗰個蟹粉沾麵吸引咗入嚟，點不知個蟹粉得嗰少少，朋友叫咗個飯食，叫做老闆娘鵝肝撈飯，個味道辣辣地，但係有啲太過油膩，再叫咗兩個小食，一個係蓮藕，一個係炸蠔，味道都係正常嘅，講到性價比呢就真係唔係咁好，因為個環境實在太細，坐得好唔舒服，好迫，兩個人食完兩碗嘢一碗係飯一碗係麵加兩個小食要四百幾蚊，食麵都要+1服務費我覺得唔值，早知去對面食麥文記雲吞麵仲好，嗰個蟹粉麵我仲等咗好耐，我朋友碗飯都就嚟食完個麵都未到，今時今日喺香港賣個面咁貴，而且環境一般，應該都唔會再去食第二次。味道係OK嘅，呢間餐廳總括嚟講性價比好低，食完都食唔飽，咁逼夾嘅環境，坐得都幾辛苦