十三姨 (白加士街)

Open Now

Now Closed

朋友要食生酮餐於是就搵咗呢度，嚟到見到餐牌即刻被個鵝肝飯深深吸引，雖然都擔心會肥膩，但實在太中意食鵝肝啦，唔食鵝肝飯一定會後悔，為咗唔想咁飽就將白飯轉咗扮飯，於是乎同朋友各自都叫咗一個鵝肝扮飯，再加咗一個薯蝦卷（唔記得咗餐牌個名）。鵝肝飯上枱個樣勁邪惡，色香味俱全，但唔知點解個鵝肝飯令我諗起學校飯堂嘅雜扒飯，可能大家都係簡單但又飽肚好味？不過食食下我有啲後悔自己食一個鵝肝飯，食咗三分一已經覺得好飽啦，冇諗過椰菜花都可以咁飽兩個人share一個飯可能會好啲。個薯蝦卷就有少少失望，炸得唔夠均勻有啲位唔脆而且好多油，略嫌隻蝦細咗啲。最唔開心係個餐牌有啤酒但冇啤酒提供有啤酒配鵝肝炸物應該會食得爽啲