棋哥燒鵝餐室

Open Now

Now Closed

棋哥我其實都食過好多次了，平時我就下午茶時段嚟食多，會食佢哋嘅特餐。不過呢，今日就中午嚟到，一於叫返個燒鵝飯食啦。一碟燒鵝飯，要 $63, 如果要轉鵝胸部位，就要再加多 $10, 唔算平架。燒鵝呢，除咗脾位以外，我就最鍾意食鵝胸部位，所以就一於轉做胸位啦。棋哥嘅鵝胸飯，會切得較為細件的，所以每碟飯好似有幾多舊鵝胸咁。佢哋嘅皮，咬落去都幾脆皮，而且仲會有一種炭燒嘅味道，幾獨特架。不過飯嘅份量就少咗D啦，多返D就更加好喇。