日日香鵝肉飯店 (和富中心) (Closed)

日日香鵝肉飯店，心血來潮想食鵝但又唔想去太遠，公司附近有一間幾正宗既潮州滷水，放工同家人食左個二人餐。個餐包左: 招牌鵝肉，滷汁時蔬，茶樹菇鵝湯(2盅)，兩碗客飯，小食拼盤自選兩款(豬耳、豬手)招牌鵝肉好美味，一啲都唔油膩，厚薄適中，肉質滑有油水，唔會乾同鞋口。小食選左豬耳同豬手，雖然話係小食但份量比想像中多，豬耳係超級爽!!索索聲! 豬手啖啖肉，唔膩亦唔漏，送飯一流。仲有配菜豆卜，浸左滷水汁食真係好入味開胃。菜有幾款，我地叫左滷汁芥蘭，餐廳係用芥蘭苗，新鮮嫩口又整得好淋好易入口，係街都好似食到家常潮州菜咁呀!茶樹菇鵝湯，火喉好夠，好濃味又足料，飲落仲好清甜，並唔係普普通通既例湯。黎到既話真係試湯好過飲飲品。不過因為湯太快飲完，我地最後都叫左一人一杯飲品，慢慢享受個滷水大餐。