Video
Read full review
2023-11-24
15 views
秋風起，開始有羊腩煲食啦～，見到呢間任食打邊爐，仲有任食雞煲、黑椒豬手煲、秘製火焰牛尾煲，而家加$88位就仲可以食埋羊腩煲😍😋羊腩煲份量都多，而羊腩又嫩，加埋d炸支竹吸收d汁，正😋除咗羊腩煲之外，我哋叫咗秘製火焰牛尾煲，店員倒咗d玫瑰露之後點火，就可以享用啦😋牛尾啖啖肉又嫩，仲好香牛味，而醬汁好惹味，加埋玫瑰露嘅香甜，真係好正😋之後我哋就開始打邊爐，見到有滋補養生鷓鴣鍋，呢個真係出面好少見到有，所以我地揀咗呢個鍋。店員話蒸鷓鴣3、4個鐘，入面紅棗、杞子、圓肉、蟲草、鮮淮山、五指毛桃。店員話滾起之後筆碗出嚟飲，個湯真係好鮮甜好好味，我飲咗2碗😆我哋叫咗Set B ，包括安格斯牛板腱、封門柳、本地鮮滑牛、美國牛胸腹。牛肉嫩，有牛味，油脂分布平均👍🏻除咗牛肉之外，我哋仲夾咗唔少款特別嘅丸類，呢啲全部都係黎自台灣：三星蔥爆漿貢丸、皮蛋紅薑貢丸、奶油南瓜包、芋頭貢丸。呢啲丸幾特別，入面嘅料好豐富，味道又唔錯，估唔到皮蛋紅薑又可以變成丸😋另外，烏冬同鷓鴣湯超夾，烏冬吸晒啲汁，好鮮甜😋👍🏻我哋食咗2-3份烏冬😂食飽之後食返枝雪條做做後總結😌
羊腩煲份量都多，而羊腩又嫩，加埋d炸支竹吸收d汁，正😋
除咗羊腩煲之外，我哋叫咗秘製火焰牛尾煲，店員倒咗d玫瑰露之後點火，就可以享用啦😋
牛尾啖啖肉又嫩，仲好香牛味，而醬汁好惹味，加埋玫瑰露嘅香甜，真係好正😋
之後我哋就開始打邊爐，見到有滋補養生鷓鴣鍋，呢個真係出面好少見到有，所以我地揀咗呢個鍋。店員話蒸鷓鴣3、4個鐘，入面紅棗、杞子、圓肉、蟲草、鮮淮山、五指毛桃。店員話滾起之後筆碗出嚟飲，個湯真係好鮮甜好好味，我飲咗2碗😆
我哋叫咗Set B ，包括安格斯牛板腱、封門柳、本地鮮滑牛、美國牛胸腹。牛肉嫩，有牛味，油脂分布平均👍🏻
除咗牛肉之外，我哋仲夾咗唔少款特別嘅丸類，呢啲全部都係黎自台灣：三星蔥爆漿貢丸、皮蛋紅薑貢丸、奶油南瓜包、芋頭貢丸。呢啲丸幾特別，入面嘅料好豐富，味道又唔錯，估唔到皮蛋紅薑又可以變成丸😋
另外，烏冬同鷓鴣湯超夾，烏冬吸晒啲汁，好鮮甜😋👍🏻我哋食咗2-3份烏冬😂
食飽之後食返枝雪條做做後總結😌
Post
