鳳鳴石磨腸粉 (觀塘廣場) (Closed)

鸞鳳和嗚喺結婚常用字眼，意思就係指好夾，好有呼應。哩間鋪頭取名鳳鳴，野食又真係好夾喎！ 🍖掃街但求就手，但係就唔可以求其，雖然香港傳統喺食滑嘟嘟豬腸粉，但係皺皮嘅腸粉口感其實真係正好多。一摺一摺，索實d豉油，然後再喺上面加一層薄薄嘅煎蛋，蛋香加米香，再加上見住師傅熱辣辣即叫即整，真係冇得彈。然後就係配料，我揀左一份牛肉，一份豬潤。越簡單嘅食物，材料新鮮就超見重要，一食就食得出，豬潤超粉嫩，牛肉又嫩滑，呢部份要加分。 🍖如果想再特色d，其實我兩種腸都選擇左唔同既米漿做底，一個紅米一個黑米，唔單止顏色靚，最重要係有健康功效，兩全其美！ 🍺✨️飲品就梗係飲豆漿，夠哂傳統，另一隻就揀左竹蔗矛根水，唔知大家有冇飲過前幾年係日本大熱既透明檸檬茶同埋咖啡，佢竟然做到一樣既效果，真係新奇又好飲。