潮林園滷味大王

Open Now

Now Closed

潮林園滷味大王（銅鑼灣）今日去銅鑼灣行街， 突然被這個招牌「米芝蓮林師傅主理」吸引着， 最好奇心驅使下入去試試，果然名不虛傳，各樣鹵水食物也非常入味。餐廳買好多滷味，選擇豐富，每樣都好吸引。一睇就知每樣都老得好入味，好想試一試。鹵水鵝髀飯78呢碟飯好大！鵝髀非常靚，每嚿都好多肉，食落香噴噴，肉質嫩滑，充滿油香。滷水味都好入味，外皮彈牙，另外伴碟仲有少許花生。鮮鵝紅48鵝紅好特別，好少見餐廳有，我都係第一次食。鵝紅好新鮮，四四方方咁，食落幾香，有少少煙韌。潮州春菜68春菜用上湯煮，喺潮州好出名㗎。春菜食落爽口清甜，葉嘅部份比較多。師傅仲落咗蒜片煮，所以食落別有一番風味。潮州蠔仔粥58蠔仔粥大大碗，蠔仔脹卜卜，好新鮮，好多汁。因為用料新鮮，粥底都好鮮甜。另外仲有大量蔥粒同埋有啲蝦乾，食落味道更加豐富，好滿足啊。