巷·弄 (Closed)

是日order嘅三杯雞同芥末木耳，鹹到嘔。特別係三杯雞，打開蓋時真係好香好香，但食落口...真係鹹過食鹽，全部啲雞基本上都係雞翼斬件（$80），忍到翻屋企都係忍唔住嘔咗。然後到芥末木耳，生蒜頭粗粒真係令人尷尬嘅存在，食落蒜頭嘅辛辣是好真實，唔係蒜蓉/泥果種香。都算，但真係好鹹好鹹，令人不適、突兀嘅鹹。偏偏呢兩道咁鹹嘅餸，都係我order嘅，所以我硬食...食到打曬冷震，好在杯檸檬愛玉夠甜，於是我係咁溝水飲。好失望嘅一餐，未食過第二間比呢兩道餸更加鹹嘅餐廳。