上海三六九菜館

Open Now

Now Closed

街道狹窄舊城區，坊鄰親近情味濃，小事互助齊出力，店戶和藹人客笑。與靚太行街、睇戲和食飯是一樂事，但揾一家合口味的便是難。在灣仔區內隨處都是食店，好似在人海中尋到合配的人一樣困難，而且找到食店也不應入去探望一吓就走，又或者食咗之後才有怨言。因為老店也有失手的時候喔！港九、上海❝三六九飯店❞不是我們的第一次光顧。但今晚被我挑選的菜式，便是第一次咁不滿意啦！我選擇了兩碟雙拼冷盤及兩個熱點。❛ 滷肉拼豬大腸 ❜ 和 ❛ 鳳尾魚拼大豆芽 ❜來配合麵食及包點是應該吧。但一口咬落去啲滷肉，便發現皮肉都硬，塊皮似一次過咀嚼十片橡皮糖，咬極都咬唔難。豬大腸就反而大淋，無啲咬感及無啲豬腸嘅味，不過提醒一吓讀者，唔係人人都接受豬腸原本的味道，而此味道被稱為豬「餲」味。 鳳尾魚每條都太細而且碎晒，好似食甜味餅乾。下次要睇清楚才點此菜式了。大豆芽菜內配搭着鹹菜與豆卜，味道偏鹹，應該用白飯或陽春麵混合進食，才有更好的效果。❛ 小籠包 ❜ 是靚太的不二之選，是小孩子的情意結吧。但今次十隻有六隻，當用筷子夾起的一刻，便穿窿兼且流汁，真令我太失望了。❛ 擔擔麵 ❜ 是肚子有空位的朋友，還是打個招呼算了吧！請不