留白

Open Now

Now Closed

餐廳位置少偏僻，我諗好多人都係特登去食。舖頭迷你，只有十幾個位，假日應該好多時候要排隊，要有心理準備排隊排好耐。*伯爵蘋果bagels $45Bagel烘到熱熱的，外皮脆，入面煙煙韌韌，但又唔會韌到咬唔開，面頭鋪滿罌粟籽，口感神奇。原本以為係bagel本身係伯爵茶味，但原來bagel係原味，伯爵茶味來自bagel上面一層嘅伯爵忌廉芝士，伯爵茶味好誇張，反而忌廉芝士味非常隱約，比較似伯爵茶吉士醬，配埋焦糖蘋果，蘋果少少爽口，甜甜地，同伯爵茶味好夾。*慢煮牛Bagels $65同一個bagel，不過今次係鹹食，有忌廉芝士，沙律菠菜，紫洋蔥，車打芝士同埋慢煮牛。慢煮牛咬落係韌韌地，牛肉味不太濃烈，夾埋車打芝士嘅鹹香味，唔錯唔錯，基本上係一個bagel漢堡。*喺有比較有傷害嘅效應之下，我比較喜歡伯爵蘋果bagels。bagel望落唔係好大個，未食以為唔會飽，點知食完超級飽肚。好傷心嘅一點係所有bagels都切開左一半，好難影相影得好睇。