台蔡滷肉飯

Open Now

Now Closed

平時好少喺香港食台式野，總覺得性價比唔高，味道亦唔及台灣好。偶然睇到餐廳一段訪問片，得知老闆係台灣人外，仲見唔少在港嘅台灣居民大讚鹽酥雞正宗、好味，而且定價唔算太貴，所以記住左小店。星期六食完正餐後，打算快閃嚟餐廳食個小食，點知門口有條人龍😢…..結果排左近9個字先入到，變左食下午茶🤣人氣-----鹽酥雞 $38粉漿好薄而且炸到好脆，雞肉多汁又滑，調味粉甜甜地又唔會過鹹，個人覺得比台灣夜市果D又硬又介口嘅鹽酥雞更好味😋。份量同質素都對得起個價錢，難怪機乎每枱都點😏。炸甜不辣 $28切到粗條拎去炸，望落好似薯條；食落煙韌，味道似魚蛋但又無魚蛋咁夠牙、比較軟糯，係一款可以止口痕嘅小食。珍珠大紅袍奶茶(少甜) $25可能我自己飲開港式奶茶，所以覺得呢杯野，奶同茶都唔夠香，飲落有奶水Feel😅 不過珍珠幾有韌度，而且有黑糖香。小店大概有26個座位，其實唔算少，出餐亦唔算慢。到我地半個鐘後離座，出面條隊依然維持一樣嘅長度😂，大家嚟嘅話，記得要有排隊嘅心理準備。