Video
Read full review
2019-09-09
48 views
鹿兒島和牛Shabu Shabu✨超滿足午餐🤗去完日本返黎最念念不忘都係當地既和牛於是搵下香港有無D餐廳可以食到和牛黎止下癮☝🏻有朋友介紹左呢間係上環既Kuro Shabu, 話都幾唔錯 就約埋朋友仔一齊黎食個和牛lunch😋位置係荷里活華庭地下, 都唔算好難搵入到店內, 樓底頗高又光猛, 裝修簡單大方得黎又不失精緻, 細微地方仲有日式風格, 整體幾有格調中間一大個Area係長形既Bar檯, 圍住開放式廚房, 旁邊亦有普通卡位…我地2個人就揀左Bar檯坐, 好氣氛D餐紙就係一份Menu, show齊晒有d咩食基本上有兩款和牛同兩款豚肉Set lunch, 可以另外加叫肉, 小食等等我同朋友各叫一個黑毛和牛A4 standard set ($268) 同 premium set ($358), 可以試下不同價錢既分別等待上菜其間, 會見到店員即場係開式廚房分割和牛肉然後一盤擺得靚靚既和牛就送到你面前😍食之前店員亦都細心介紹每一款肉既分別Standard set 包括左3款牛 - A4 足外則肉, A4牛肩肉, A4上肩胛肉而premium set 就有 A4 西冷每一塊脂肪分佈平均, 雪
去完日本返黎最念念不忘都係當地既和牛
於是搵下香港有無D餐廳可以食到和牛黎止下癮☝🏻
有朋友介紹左呢間係上環既Kuro Shabu, 話都幾唔錯
就約埋朋友仔一齊黎食個和牛lunch😋
位置係荷里活華庭地下, 都唔算好難搵
入到店內, 樓底頗高又光猛, 裝修簡單大方得黎又不失精緻, 細微地方仲有日式風格, 整體幾有格調
中間一大個Area係長形既Bar檯, 圍住開放式廚房, 旁邊亦有普通卡位…我地2個人就揀左Bar檯坐, 好氣氛D
餐紙就係一份Menu, show齊晒有d咩食
基本上有兩款和牛同兩款豚肉Set lunch, 可以另外加叫肉, 小食等等
我同朋友各叫一個黑毛和牛A4 standard set ($268) 同 premium set ($358), 可以試下不同價錢既分別
等待上菜其間, 會見到店員即場係開式廚房分割和牛肉
然後一盤擺得靚靚既和牛就送到你面前😍
食之前店員亦都細心介紹每一款肉既分別
Standard set 包括左3款牛 - A4 足外則肉, A4牛肩肉, A4上肩胛肉
而premium set 就有 A4 西冷
每一塊脂肪分佈平均, 雪花紋理好靚
我地由最少雪花開始食起, 放入有昆布湯底既爐入面快淥兩至三秒, 仲有少少粉紅就可以食
足外則肉同牛肩肉雖然雪花無咁多, 但其實已經係超淋, 牛味亦都幾重
而上肩胛肉同西冷更加係入口即溶, 完全係你個口入面化開, 然後牛油既香就會停留係你口入面, 超!好!味!🥺
檯上有三款醬汁可以蘸和牛, 就唔怕會太漏
柚子醋 - 加落蘿蔔蓉同埋蔥到, 味道比較清新
有少少辣味既芝麻醬 - 第一次試辣既麻醬, 好特別亦好有層次, 唔錯
柚子鹽 - 味道比較酸同咸, 要小心加既份量
食完咁邪惡既牛就要食返D菜黎平衡下
佢既蔬菜拚盆 - 有好多唔同種類既菜, 菇類同豆腐
份量好多, 吸左昆布湯底之後好鮮甜👍🏻
跟餐有一碗日本米飯, 或者加$20有稻庭烏冬…烏冬幼身但仍然煙韌彈牙, 加埋麻醬食一流😆
食完竟然仲有個甜品, 係綠茶雪糕🍨
有香濃既茶味之餘又唔會太甜, 仲有D餅乾碎增加口感
為呢餐畫上完美既句號, 好滿足!😋😋
呢個價錢可以食到靚和牛, 性價比超高! 值得推介☝🏻
Post
